Свет
Извршена смртна казна во Тексас
Затвореник од Тексас, осуден за убиство и кражби што ги извршил пред речиси 30 години, е егзекутиран вчера, пренесе „Ројтерс“.
Били Џо Вардлов (45) вчера е прогласен за мртов кога му била вшприцана смртоносна инекција поради злосторството што го извршил пред речиси 3 децении.
Обвинителството го обвинило Вардлов дека заедно со својата девојка Тоња Фулфер провалил во куќа на 82-годишна жена во Кејсон, североисточен Тексас, на 14 јуни 1993 година.
Откако Вардлов пукал во главата на жената додека се бореле, тој и девојката побегнале од местото на несреќата со камионетот на убиената жена.
Вардлов и Фулфер отишле во Монтана, каде што следниот ден по пристигнувањето таму, го замениле камионетот за „форд мустанг кабриолет“. Еден ден подоцна тие биле уапсени во Јужна Дакота, а полицијата во кабриолетот пронашла оружје за кое било потврдено дека е употребено за убиство на 82-годишна жена.
Вардлов е осуден на смртна казна за убиство во 1995 година, а неговата девојка на десет години условна казна.
Неговите адвокати безуспешно се обидувале да го откажат неговото егзекутирање нагласувајќи дека нивниот клиент во моментот кога го извршил убиството имал само 18 години, дека не бил во целост свесен за своите постапки и дека поради тоа не би требало да биде осуден на смртна казна.
Во Тексас се егзекутирани повеќе затвореници од која било друга американска држава откако Врховниот суд повторно воведе смртна казна во 1976 година.
Вардлов е трет затвореник во Тексас, а седми во САД, кој е егзекутиран во 2020 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.