Европа
Луганските бунтовници тврдат дека ликвидирале 130 украински војници

Околу 130 припадници на украинските специјални сили загинале во борбите крај Луганск во последното деноноќие и претрпеле значителни материјални загуби, соопшти во саботата прес-службата на самопрогласената Народна република Луганск на проруските бунтовници во источна Украина кои речиси три месеца под своја контрола го држат овој еден од поголемите градови во областа Донбас.
Покрај големите жртви, украинските сили, коишто претходно во саботата успеаја да влезат во Славјанск каде што беа концентрирани најмногу откако овој град со 130 илјади жители го напуштија силите на проруските бунтовници и голем дел од цивилите, крај Луганск загубиле авион „Ил-76“, седум оклопни возила БТР, две хаубици, две минофрлачки единици, противвоздушен систем и пет возила„Украинската армија се обиде да го нападне градот од три насоки: Краснији Јар, Металист, и Александровка. Сите напади беа успешно одбиени од армијата на Луганската народна република. Непријателот загуби две хаубици, минофрлачка единица а околу 30 луѓе загинаа“, се вели во соопштението на проруските милиции.„Од своја страна луганските сили спроведоа успешна операција во областа на аеродромот кај Луганс, кој се наоѓа во рацете на десантните единици на противникот. Непријателот беше гаѓан од тешки минифрлачи, при што се уништени авион Ил-75, седум БТР возила, минофрлачка единици, едена противвоздушен систем ЗУ 23-2, пет возила и околу 100 борци“, се довава во соопштението коешто го цитира агенцијата Итар-Тасс. Украинската армија во саботата не ги коментираше ваквите информации кои не можат да се проверат од независни извори, задржувајќи се на влегувањето на нејзините единици во градот Славјанск кој три месеца го држеа во опсада, од каде се повлекле проруските бунтовнички сили. Претходно во петокот Киев соопшти дека во борбите во источните региони биле убиени најмалку 150 бунтовници.Според податоците на украинското министерство за одбрана, загубите на армијата којашто од април започна да ја спроведува ткн „антитерористичка операција“ изнесува 200 војници, додека на страната на бунтовниците и локалното население има 450 загинати./крај/мф/сн
Извор: Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.