Спорт
Реал Мадрид е шампион во Ла Лига по пауза од 3 години (видео)
Екипата на Реал Мадрид вечерва го совлада Вилјареал со 2-1 во претпоследното коло од Ла Лига и на тој начин, ја обезбеди новата, вкупно 34-та титула во најквалитетното друштво во Шпанија.
? HALA MADRID!#34Ligas | #RealFootball pic.twitter.com/Hr4c3BXrSW
— Real Madrid C.F. ???? (@realmadriden) July 16, 2020
„Кралевите“ по пауза од три години повторно се на фудбалскиот врв во Шпанија. На коло до крај Реал има недостижни +7 против Барселона.
Во првото полувреме на мечот се играше 29 минута. Гостите погрешија на средината на табелата, Модриќ тргна кон голот на „жолтата подморница“, на десната страна го проигра Бензема кој рутинирано, под нозете на голманот го најде патот до мрежата за 1-0.
Французинот го стави печатот на победата и на новата титула. Во 77 минута го постигна вториот гол на мечот, откако претходно Серхио Рамос беше фаулиран во казнениот простор. Бензема гаѓаше доле десно за 2-0.
Неизвесноста за момент ја врати Ибора. Погоди за 2-1 во 84 минута.
Сепак, гостите немаа сили за уште еден погодок. Реал преку Асенсио постигна и трет гол, ама поради играње со рака, тој беше поништен.
Најголемиот конкурент на Кралскиот клуб, екипата на Барселона на полувреме од денешниот меч против Осасуна имаше негатива од 1-0. Стрелец за гостинско водство беше Хесе во 15 минута.
Сепак во вториот дел Каталонците имаа можност да направат целосен пресврт.
Најпрво Меси го врати резултатот егал во 62 минута, 1-1.
Потоа во 77 минута гостите од Памплона останаа со играч помалку, но сепак погледите беа свртени кон Мадрид каде Реал водеше со Вилјареал, па Каталонците немаа амбиции за втор погодок.
Осасуна ја искористи целата апатичност на играчите на Барса, па во 94 минута преку Торес стигнаа и до целиот плен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.