Спорт
Жорге Жесус се врати во Бенфика
Жорге Жесус повторно ќе биде тренер на Бенфика, објави славниот португалски клуб. Ова ќе биде втор ангажман на Жесус на клупата на Бенфика, претходно го предводеше клубот со голем успех од 2009 до 2015 година.
Бенфика ќе го враќа поранешниот тренер откако сезоната останаа без титулата во домашниот шампионат. Бенфика на Жесус му понудила конкретни услови, а тој бргу ја прифатил понудата.
Во својот прв мандат, Жесус во првите две сезони успевае да стигне до четврт-финалето во Лигата на шампионите, а два пати играше во финалето во Лига Европа. Во сезоната 2009/2010 ја освои титулата во Португалија со само два претрпени порази.
По заминувањето од „Ла Луж“ Жеусу се пресели во редовите на најголемиот ривал Спортинг, потоа една сезона работел во Ал Хилал, а потоа замина во Бразил. Со Фламено во 2019 година ја освои титулата во Бразил и стана клупски првак на Јужна Америка.
Деталите од договорот помеѓу Жесус и Бенфика не се објавени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Легендарната француска бијатлонка осудена за измама
Француската репрезентативка во бијатлон, Јулија Симон (29), во петокот е осудена на условна казна од три месеци затвор и парична казна од 15.000 евра за измама и кражба со кредитни картички, со што нејзиното учество на Зимските олимписки игри Милано-Кортина следната година е доведено во прашање.
Победничката на Светскиот куп во 2023 година и една од најголемите надежи на Франција за медал во биатлон на престојните Олимписки игри ги призна делото пред Кривичниот суд во Албертвил и им се извини на своите жртви, колешката од националниот тим Жастин Браисаз-Буше и физиотерапевтот на репрезентацијата.
„Жал ми е. Не можам да го објаснам мојот гест. Морав да соработувам со психолог за да го разберам ова и да пораснам од ова“, рече најуспешната Французинка во историјата на Светското првенство во биатлон со десет титули, вклучувајќи четири индивидуални.
Симон е обвинета за постојано користење на банкарските картички на своите жртви со кои делела соби за време на спортски натпревари, потрошила вкупно 2.400 евра. Во исто време, таа им украла мали суми пари (помеѓу 20 и 50 евра).
Симон првично негираше сè, но подоцна призна. Француската скијачка федерација (FFS) објави дека дисциплинската комисија ќе се состане „што е можно поскоро“ за да одлучи за случајот на Симон.
Сезоната на Светскиот куп во биатлон започнува на 29 ноември во Остерсунд, Шведска, а најважниот настан во сезоната на зимски спортови ќе бидат Зимските олимписки игри, кои ќе се одржат од 6 до 22 февруари во Милано и Кортина д’Ампецо.
Спорт
Црвена звезда парично ги казни фудбалерите за поразот од Брага
Српскиот шампион, Црвена звезда, вчера загуби во Брага (2:0), во третото коло во Лига Европа. Црвено-белите по три рунди имаат само еден бод и ќе имаат тешка задача да изборат пласман во нокаут фазата.
Резултатот на „Мунисипал“ стадионот во Брага не ги отсликува реално настаните на теренот. Црвена звезда во ниту еден момент не беше конкурентна на теренот. Брага забележа рутинска победа.
Ден по натпреварот, генералниот директор на Црвена звезда, Звездан Терзиќ, и неговите соработници одржаа непријатен состанок со играчите од првиот тим по враќањето од Брага. Играчите биле информирани дека следниот месец уплатата на сметката на сите ќе биде „пократка“ за 10.000 евра.
На состанокот, на фудбалерите им били јасно ставено до знаење дека „ваквиот став кон обврските и дресот што го носат е неприфатлив“.
Спорт
Жесток удар за Барселона пред ел класико
Лоша вест му соопштија на тренерот на Барселона, Ханси Флик, по денешниот тренинг на тимот, пред неделниот (26 октомври, 16:15) Ел Класико против Реал Мадрид на стадионот „Сантијаго Бернабеу“.
Според извештаите на неколку шпански медиуми, Бразилецот Рафиња дефинитивно е во„аут“ за големиот натпревар и нема да може да се појави на теренот, бидејќи, се чини, сè уште не е целосно опоравен од повредата што го мачи веќе еден месец.
Иако извештаите на шпанските медиуми од четвртокот наговестуваа дека Рафиња би можел да учествува во Ел Класико, ситуацијата денес се промени, 28-годишниот играч почувствувал болка и го напуштил тренингот на шпанскиот шампион.
Од претходно се знаеше дека дербито ќе го пропуштат Тер Штеген, Џоан Гарсија, Гави, Дани Олмо и Левандовски.
Барселона ќе биде и без суспендираниот тренер, Флик, па веројатно тимот на тернот е го води Тијаго Алкантара, кој е еден од петте помошници на Германецот.

