Спорт
Артета го надмудри Гвардиола – Обамејанг ги однесе Арсенал во финалето
Фудбалерите на Арсенал се првите финалисти во годинешното издание на ФА купот. Избранците на Микел Артета спортивно на сите прогнози, со херојска борба, успеаја да го победат Манчестер сити со 2:0 (1:0). Херој на триумфот на Арснеал е Пјер-Емерк Обамејанг кој од три шута кон голот на Едерсон Мораеш постигна два гола.
Арсенал уште еднаш потврдија дека ФА купот е натпреварување во кое се чувствуваат комотно. Во 149 издание на најстарото фудбалско натпреварување во светот „топџиите“ го победија фаворитот и 21 пат во клупската историја ќе играат во мечот за титулата.
Манчестер сити доминираа на „Вембли“, особено во вториот дел кога Арсенал три пати мина на нивната половина, меѓутоа од таквата игра не добија ништо. Не може „граѓаните“ никако да ја пробијат одбраната на Арсенал.
Микел Артета одлично ја постави играта и целосно го надмудри Пеп Гвардиола на кого до пред неколку месеци му беше помошник.
Како ќе се одвивива натпреварот покажа раната фаза кога Обамејанг првата добра шанса не ја претвори во гол. Во ситуација „еден на еден“ тој шутираше право во Едерсон.
Габонецот ја погоди целта во 19 минута кога беспрекорно реагираше по центаршутот на Пепе.
Тотална доминација и иницијата Сити имаа до 71 минута, но приготвија само една чиста шанса. Обидот на Марез брилијантно го одбрани Мартинез.
во 71 минута Пеп задржа една топка на средината од терено, ја врати назад до Тирни кој во контра го исфрли Обамејанг. Напаѓачот на Арсенал погоди низ нозете на Едерсон и го постави конечниот резултат.
Противник на Арсенал во финалето ќе им биде победникот од утрешното полу-финале помеѓу Манчестер Јунајтед и Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Брансон ја испрати Филаделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.
Спорт
Уште еден голем пријател на Меси пред трансфер во Интер
Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.
„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.
На Анхел Ди Марија договорот со Бенфика му истекува на крајот од сезоната.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот.