Актуелниот МВП на НБА лигата, грчката ѕвезда на Милвоки бакс, Јанис Адетокумбо доби исклучување во првото полувреме против Вашингтон визардс по ударот со глава над Мориц Вагнер во втората четвртина.

Адетокумбо го заврши мечот со 12 поени и 9 скока во 10 минути, а Милвоки на крајот стигна до 126:113 победа. Ова беше четвртото искучување во кариерата за Адетокумбо, за кое веднаш се извини.

„Лошо. Кога би можел да се вратам, не би го направил тоа. Но, сите сме луѓе и правиме грешки. Во текот на мојата кариера се трудам да ја заддржам концентрацијата и да се фокусирам на играта, но грешки се прават. Немам ништо против Вагнер, не беше тој виновен. Се загубив на момент“, вели Адетокумбо.

Милвоки веќе го обезбедија првото носителско место на Источната конференција, а со победата прекинаа низа од два порази.

Here's the whole Moe Wagner – Giannis Antetokounmpo headbutt incident pic.twitter.com/OzBIuyoWeI

— CJ Fogler #BlackLivesMatter (@cjzero) August 12, 2020

Лигата на шампионите се враќа вечерва, но на начин каков што досега не сме виделе и во формат кој би можел да стане редовен. Поради корона вирусот, УЕФА одлучи да го „реши“ прашањето на европскиот шампион со фајнал ејт турнир во Португалија и интересно, само две од осумте екипи ја имаат освоено елитната титула досега.

Пред шест години финалето се оддржа во Лисабон, кога навивачите на Атлетико и Реал Мадрид ја „преплавија“ португалската престолнина, но сега ситуацијата не може да биде поинаква – осумте клубови беа пречекани во тишина без своите верни навивачи.

Фудбалерите, со маски и ракавици, стигнуваа на аеродромите во групи, и ќе останат во мали групи, исклучени од надворешниот свет додека не дојдат нивните мечеви. Секој клуб има сопствен хотел (сите во 40 километри од центарот на градот) и сопствени тренинг-центри.

Четврт-финалињата, полуфиналињата и финалето ќе се играат на двата супер-стадиони во градот, „Естадио да Луж“ и „Естадио Жозе Алваладе“, секако без публика.

Програмата започнува вечерва со дуелот на Пари Сен-Жермен, клуб кој потроши огромни пари за да се оствари целта, трофеј од ЛШ и Аталанта, дебитант во натпреварувањето кој ги освои срцата на навивачите доаѓајќи од Бергамо, град кој беше меѓу најпогодените од корона вирусот во Италија. ПСЖ се несомнено големи фаворити, но во фудбалот парите не купуваат сè.

Во четврток, пак, ќе се судрат РБ Лајпциг, уште еден проект на милијардери, клуб кој во Германија е презиран поради тоа, и Атлетико Мадрид, кои сонуваат за трофејот додека беа исплашени од двата позитивни случаи на корона вирус пред патувањето во Португалија.

Во петок, без сомнеж, доаѓа најатрактивниот меч, дуелот на гигантите Барселона и Баерн Минхен, два клуба од друштвото кои веќе биле европски шампиони. Многумина сметаат дека кој ќе победи тука ќе биде фаворит за титулата.

Последното четврт-финале е помеѓу Манчестер сити, во нов обид на Пеп Гвардиола да го освои елитниот европски трофеј и Лион, кои успеаја да ги елиминираат Јувентус и да направат „потрес“ во Торино.

ЛИГА НА ШАМПИОНИ

ЧЕТВРТ-ФИНАЛЕ

Аталанта – Пари Сен-Жермен, 12 август

РБ Лајпциг – Атлетико Мадрид, 13 август

Барселона – Баерн Минхен, 14 август

Манчестер сити – Лион, 15 август

ПОЛУФИНАЛЕ

18 и 19 август

ФИНАЛЕ

23 август

Тренерот на Пари Сен-Жермен, Томас Тухел има целосна доверба дека Нејмар секогаш е најдобар во големите мечеви, но посочува дека очекува големи работи од поранешниот капитен на Интер, Мауро Икарди пред денешното четврт-финале од Лигата на шампионите против Аталанта.

Килијан Мбапе најверојатно ќе биде на клупата поради повредата, додека Единсон Кавани веќе не е во тимот откако му заврши договорот со клубот ова лето. Токму затоа, Тухел верува дека Аргентинецот Икарди, кого го откупија од Интер по една сезона како позајмен фудбалер мора да блесне.

„Со повредата на Килијан и без Еди Кавани, важно е Икарди да го покаже својот карактер. За мене тој е момче кое никогаш не е исплашено, кое секогаш дава голови, кому можеш да му веруваш тактички. Сега треба да покаже дека може да не однесе до полуфинале“, вели Германецот.