Црна хроника
Двочлена банда од Скопје заврши со пријава за 30 кражби
Двајца скопјани од 10-ти јуни минатата година до 27-ми јануари годинава извршиле вкупно 30 кражби од кои 16 полицијата ги квалификува како „тешки кражби” а 14 како „тешки кражби во обид”, со кои украле предмети и пари во вкупна вредност од околу 1,5 милион денари.
Скопската полиција поднесе кривична пријава пред Основното јавно обвинителство Скопје против 29-годишниот О.Б. и 44-годишниот Н.З. кои серијата од вкупно 16 тешки кражби ги извршиле, по четири на подрачјата на скопските општини Гази Баба, Центар, Аеродром, две на територијата на општина Карпош и по едно во општините Ѓорче Петров и Кисела Вода, како и 14 тешки кражби во обид од кои пет во Центар, три во Карпош, две на подрачјето на Бит пазар, и по едно во е Гази Баба, Ѓорче Петров, Аеродром и Чаир.
Двајцата пријавени претходно разработувале план, и тоа во 24 случаи провалите и кражбите ги извршиле со кршење на цилиндарот од цилиндричната брава при што го ваделе надворешниот дел, а потоа со погоден предмет делувале во бравата и ја отклучувале вратата. Потоа влегувале внатре, вршеле претурање и пребарување по мебелот по што го напуштале лице местото. Во другите шест случаи кражбите за кои се обвинети се извршени со кршење на прозорци од балконски врати.
За извршените кривични дела од страна на Единицата за истрага на местото на настанот и вештачења при СВР Скопје излезено е на лице место и извршен е увид и тоа во 21 случај, од кои во пет случаи на лице место пронајдени се и подигнати траги од отпечатоци од ткн папиларни линии, а во останатите девет случаи земен е Записник за примање на пријава.
Од страна на Одделот за Криминалистичка техника при МВР на РМ извршена е споредбена анализа на пронајдените траги од папиларни линии при што со сигурност е утврдено дека истите потекнуваат од пријавениот О.Б..
Со наредба од истражен судија извршен е претрес во домот и други простории во куќа на ул. „Локов” сопственост на З.Б.М. каде што под кирија живеел О.Б. заедно и со второпријавениот. При извршениот претрес во присуство на сопругата на О.Б., М.Б. која била носител на договорот за киријата, во куќата се пронајдени поголем број разни предмети, и тоа: дигитална вага, мобилни телефони, лаптоп компјутери, дигитални фотоапарати, парфеми, камера, рачни часовници, женски чанти, патни торби, паричници, сим картички, накит, алати за извршување на кривични дела, УСБ приклучоци, ДВД со звучници, три куршума, ќесе со тревкаста материја, шприцеви, метадон и друго за кои постои основано сомнение дека потекнуваат од кривични дела. Одземените предмети: дигитална вага, целофанска кеса со непозната тревкаста материја, шприц со непозната течност, три куршума и две шишиња хептанон со Записник за предавање на предмети предадени се на полициски службеници од Единица за недозволена трговија со дрога и оружје при СВР Скопје заедно со оригиналната потврда за привремено одземени предмети.
Во седум случаи било извршено препознавање на горенаведените предмети и кои се вратени на оштетените, а по претходно изготвен фотоалбум за препознавање по фотографии, во два случаи извршено е препознавање по фотографии./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.