Европа
Разузнавач предупредува дека исламистите ѝ се закануваат на Шведска
Шведска, земјата којашто своевремено Осама бин Ладен ја истакна како пример за земјите коишто Ал Каеда не ги напаѓа, е соочена со зголемена закана од исламистичките милитанти поради кризите во Ирак и во Сирија, изјави директорот на шведската разузнавачка служба SAPO, Андерс Торнберг.
Шефот на шведските разузнавачи за Reuters изјави дека бројот на шведските државјани кои заминуваат да се борат во Ирак и во Сирија на страната на исламистите трикратно се зголемил изминатата година, а рекордно високиот број на доселеници во Шведска ја прави земјата извонредно ранлива за уфрлување припадници на милитантните групи.
Според Андерс Торнберг, од Шведска во Ирак и во Сирија заминале околу 300 лица, и тие се борат во групите поврзани со Ал Каеда или со Исламската држава. Околу 35 од нив загинале, а 80-ина се вратиле во Шведска.
Шведска во 2015 година очекува 90 илјади баратели на азил од Ирак и Сирија. „Ние сме дарежлива земја, каква што и треба да бидеме, но некои се обидуваат да го злоупотребат системот…. за да извршат терористички недела“, вели во разговорот челникот на шведската агенција за разузнавање SAPO.
„Се појавија некои страшни сојузи. Претходно постоеја терористички групи од северна Африка, Сомалија, Јемен, Авганистан, кои меѓусебно беа поделени. Но сега тие групи имаат заедничка цел кога заминуваат во Сирија или во Ирак“, додава Торнберг.
Вели дека е забележана и засилена шпионска активност од страна на Русија по почетокот на кризата во Украина. „Службите активно настојуваат да дознаат информации за шведската одбрана и луѓето кои работат во тој сектор“, истакнува Торнберг./кај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.