Европа
Koронавирусот повторно се шири низ Европа
Во некои европски земји дојде до повторно ширење на коронавирусот. Шпанија се бори со зголемување на бројот на нови случаи, а нови жаришта има и во други земји. Затоа, сè повеќе европски држави воведуваат построги мерки, за чиешто непочитување се предвидени строги казни.
Во германската држава Баварија, цела фарма со 500 луѓе вчера беше ставена во карантин, откако 174 работници беа тестирани позитивни за коронавирус, пренесува „Еуроњус“.
Властите се убедени дека инфекцијата не се шири надвор од фармата. Инфицираните и оние кои не биле заразени се разделени на фармата, а околу неа е поставена жица.
Исто така, распоредени се стражари за да се осигури дека никој не ја напушта фармата.
Само неколку километри, луѓето во австрискиот град Сент Волфганг, недалеку од Салцбург, беа повикани да останат дома откако 44 лица беа тестирани позитивни на коронавирусот во петокот.
Инфекцијата се верува дека се ширела по забавите во баровите низ градот, а дел од локалите се привремено затворени.
Австрија се соочува со зголемување на бројот на случаи откако ги ублажи ограничувањата, поради што канцеларот Себастијан Курц ја врати обврската за носење маски во продавниците, поштата и банките.
Австрија досега има пријавено повеќе од 20.000 случаи и повеќе од 700 смртни случаи.
Франција досега избегнува да воведе повторно карантин, но расте бројот на заразени откако во петокот имаше повеќе од 1.100 нови случаи.
Здравствените власти предупредија дека Франција ризикува да направи чекор наназад во борбата против коронавирусот, а сегашните показатели за инфекцијата потсетуваат на оние што се гледаа во мај на крајот на строгото двомесечно затворање.
Француските власти неодамна воведоа казна од 135 евра за лица кои не носат маски на затворени јавни места.
Јужниот италијански регион Кампанија воведе уште построги казни – 1.000 евра за неносење маски.
Покрај казните, компаниите би можеле да бидат затворени за пет до 30 дена.
„Ако нашите сограѓани мислат дека проблемот е решен, тоа значи дека ќе се вратиме на вонредната состојба во рок од неколку недели“, предупреди гувернерот на регионот, Винченцо де Лука, на Фејсбук во петокот.
Казни се применуваат за секој што не носи маска во затворен простор, вклучувајќи јавни објекти, супермаркети, барови, ресторани, продавници и јавен превоз.
Превозниците имаат обврска да не им дозволуваат на оние што не носат маска да влезат во возилата.
Оние што се фатени дека не носат маски во транспортот, ќе бидат принудени да го напуштат возилото, а доколку одбијат, ќе биде повикана полицијата.
Италија е една од најпогодените земји во пандемијата на коронавирус, со повеќе од 242.000 случаи и повеќе од 35.000 смртни случаи, но се чини дека вирусот во моментот е под контрола, иако во последните 24 часа се пријавени 275 нови случаи и пет смртни случаи.
Ноќните клубови, баровите и плажите во Шпанија, особено популарни во текот на летната сезона, повторно се соочуваат со рестриктивни мерки, бидејќи станаа жаришта на ново појавување на коронавирус.
Двете најкритични точки во таа земја се во регионот на Каталонија, каде што заради зголемувањето на бројот на заразени, рестриктивните мерки беа затегнати, а само еден месец претходно беа олабавени поради оценката дека епидемијата на Ковид-19 во Шпанија беше ставена под контрола.
Британската влада синоќа ја отстрани Шпанија од списокот на земји безбедни за патувања по зголемувањето на бројот на новозаразени со коронавирус во последните денови и воведе задолжителен двонеделен карантин за патниците кои се враќаат од таа земја.
По таа одлука, шпанските власти излегоа, тврдејќи дека пандемијата на коронавирус во земјата е под контрола.
Шпанија во петокот пријави 2.225 нови случаи, трипати повеќе од пред две недели.
Во Шпанија се разболеле повеќе од 272.000 луѓе, додека повеќе од 28.000 починале од коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Трагедија во Турција: куп снег падна од покрив и усмрти 21-годишна девојка, несреќата снимена од безбедносни камери
Невидена трагедија се случи во турскиот град Битлис, кога куп снег падна од покрив и уби девојка.
Трагедијата се случи во вторник, 6 јануари, кога снег од покривот падна врз 21-годишната Ајше Идер додека одеше по тротоарот, објавија турските медиуми.
Ајше Идер беше тешко повредена во инцидентот, а снегот се натрупа врз неа двапати, соборувајќи ја на земја. Минувачите веднаш истрчаа да ѝ помогнат, дури и ризикувајќи го сопствениот живот кога снегот падна на земја по трет пат.
📹Bitlis'in Tatvan ilçesinde çatıdan düşen kar ve buz kütlesinin altında kalan 21 yaşındaki Ayşe İder hayatını kaybetti https://t.co/Bcs5z4BaDF pic.twitter.com/4rqQ9yeEvi
— Habertürk (@Haberturk) January 6, 2026
Младата девојка, на која ѝ беше укажана прва помош од медицински екипи испратени на местото на настанот, а потоа однесена во државната болница Татван, не можеше да се спаси. И покрај сите напори им подлегна на повредите.
Инцидентот, кој беше снимен и од безбедносните камери, и смртта на младата девојка, која се подготвуваше за приемен испит на универзитет, предизвикаа голема тага во округот Татван. Телото на Ајше Идер, кое беше преземено од болницата наутро, беше погребано на гробиштата Кучукшу.
Европа
(Видео) Силна бура ги погоди Франција и Велика Британија, објавени се снимки
Силни ветрови ги погодија Франција и Велика Британија денеска, додека бурата Горети ја зафати северна Европа, оставајќи стотици илјади домови без струја. Во Франција, околу 380.000 домови останаа без струја, главно во регионите Нормандија и Бретања, соопшти снабдувачот со електрична енергија Енедис.
Налети на ветер од над 150 км/ч беа регистрирани преку ноќ во северозападниот француски регион Манш, со рекордни 213 км/ч во Барфлер, а железничкиот оператор SNCF ги прекина железничките услуги помеѓу Париз и регионот Нормандија.
Во Велика Британија, 57.000 домови останаа без струја, според National Grid, откако бурата Горети донесе повеќе снег во земјата по една недела студено време. Се очекува стотици училишта да бидат затворени низ Шкотска и делови од централна Англија, кои беа особено погодени од бурата Горети.
Железничките оператори во тој дел од Англија ги предупредија патниците да не патуваат, а некои услуги се прекинати.
Европа
Русите: Испукавме „Орешник“, тоа е одмазда за нападот врз резиденцијата на Путин
Руското Министерство за одбрана го издаде своето прво официјално соопштение по големиот напад со беспилотни летала и ракети врз Украина во текот на ноќта. Во соопштението се вели дека Русија извршила, како што наведува, „високопрецизен удар со долг дострел“ користејќи ја ракетата со среден дострел „Орешник“.
Во соопштението се тврди дека нападот бил одговор на она што Русија го опиша како „терористички напад од страна на режимот во Киев“ врз резиденцијата на рускиот претседател Владимир Путин во регионот Новгород, за кој Русија тврди дека се случил ноќта на 29 декември 2025 година.

Руското Министерство за одбрана соопшти дека руските сили испукале оружје со долг дострел и висока прецизност од копно и море во текот на ноќта, вклучувајќи го и мобилниот копнено-базиран ракетен систем Орешник, како и дека извеле напади со беспилотни летала врз, како што наведуваат, клучни објекти во Украина.
Украина сè уште не потврдила дека нападот врз западниот град Лавов бил извршен со „Орешник“, но украинската војска потврдила дека ракетата летала со брзина од 13.000 км/ч.

