Европа
Џонсон објави војна против дебелината во Британија
Кампањата „Подобро здравје“ има за цел да охрабри и поддржи 35 милиони Британци да ослабат и да го подобрат своето здравје.
Тоа е повеќе од половина од населението на Велика Британија. Затоа премиерот Борис Џонсон бара од своите сограѓани да возат велосипед.
Во текот на денот премиерот на Велика Британија, Борис Џонсон, ќе открие како треба да изгледа 12-неделна програма, која треба да го подобри здравјето на целата земја. Целта на кампањата „Подобро здравје“ е да се намалат трошоците предизвикани од дебелината и да се спречи нов бран на коронавирус, пренесува Би-би-си.
Како дел од кампањата, лекарите ќе ги охрабрат Британците да возат велосипед за да бидат потенки и во подобра физичка состојба.
Овој потег беше поддржан и од британската опозиција затоа што радикалното дејствување против дебелината требаше да се спроведе одамна.
Погрешните чекори на конзервативните власти – намалувањето на буџетот за здравствениот систем и неригорозните забрани поврзани со брзата храна влијаеја Велика Британија да има стапка на дебелина кај децата меѓу највисоките во светот, остро укажува опозицијата.
Бројни научни студии покажаа дека дебелината го зголемува ризикот од развој на одредени заболувања. На пример, исхрана богата со шеќер може да доведе до развој на дијабетес тип 2.
Сепак, важно е да се истакне дека дури и луѓето кои немаат вишок килограми може да имаат лош избор на храна или да не вежбаат доволно.
Генетиката и наследените состојби и болести можат многу да влијаат на нечија тежина, но балансираната исхрана и физичката активност се најдобри за физичкото и менталното здравје.
Според извештаите на Светската здравствена организација, Велика Британија е меѓу водечките земји во светот кога станува збор за дебелината.
Во моментот е на 36. позиција (од 192) на земјите со најдебело население.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.