Црна хроника
Уапсен познат нарко дилер од Арачиново
Полицијата во вторник утрото уапси познат нарко дилер од Арачиново.
Бил извршен претрес во неговиот дом каде се пронајдени 800 гр. хероин, 30.000 евра, чие потекло не е познато, една вага за мерење на дрогата, 15 куршуми и една рамка, два `мерцедеси` и два `голфа`.
Се работи за 57-годишниот Зија Асани кој заедно со неговата 41-годишна девојка биле инволвирани во криминални активности со дрога.
Полицијата го следела Асани неколку месеци, а за време на примената на посебните итражни мерки, открила два случаи каде Асани дилал кокаин и хероин.
Асани и е добро познат на полицијата од претходно. Освен што се занимава со дрога тој е пријавен и за кражби, нелегална трговија со оружје и нанесување тешки телесни повреди. Тој треба да биде изведен пред истражен судија со кривична пријава за недозволена трговија со наркотици.
Неговиот брат бил осомничен за убиството на тројцата полицајци во Арачиново Кирил Петрушевски, Ацо Ангеловски и Ерол Готак во 2000 година. Според обвинението, шестемина во доцните часови од заседа ги застрелаа полицајците Петрушевски, Ангеловски и инспекторот Готак, кои на влезот од селото учествувале во акција за пронаоѓање украдени луксузни автомобили.
Тројцата полицајци беа изрешетани од автоматско оружје, а под сè уште мистериозни околности. Четвртиот полицаец, инспекторот Горан Новковски, инаку клучниот сведок, односно оштетен во случајот – остана жив.
Асани треба да биде изведен пред истражен судија со кривична пријава за недозволена трговија со наркотици./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.