Спорт
Озил и наредната сезона ќе биде во Арсенал
Фудбалерот на Арсенал Месут Озил ќе остане во Арсенал до истекот на договорот. Поранешниот германски репрезентативец има договор со клубот од северен Лондон до 30 јуни 2021 година. Озил нема одиграно ниту една секунда за Арсенал откако сезоната во Премиерлигата беше рестартирана.
Британските медиуми шпекулираа дека Озил ќе си побара нов клуб бидејќи тренерот Микел Артета не смета на него но менаџерот на фудбалерот, Еркут Согут, денес изјавил дека неговиот клиент до крајот на договорот ќе остане на „Емирејтс“.
„Озил ќе остане во Арсенал уште една година, а потоа шансите се 90 отсто да замине од клубот“, рекол Согут.
Планот на Озил наредното лето како слобиден играч ќе си бара нов клуб, а дотогаш, играл-не играл,ќе си заработува околу 350.000 евра неделно во Арсенал.
Месут Озил во Арснеал е од 2013 година, досега за овој клуб одиграл 254 натпревари и постигнал 44 голови. Во кариерата играл за Шалке, Вердер и Реал Мадрид. За Германија настапил на 92 натпревари, постигнал 23 голови, а во 2014 гофина стана светски првак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клаузула од милијарда евра за еден од најголемите светски таленти
Пау Кубарси (17) е новиот супер талент клупската академија на Барселона, Ла Масија. Шпанскиот стопер оваа сезона забележа 30 настапи за тпрвиот тим.
Кубарси има договор со Барселона до јуни 2026 година, а трансфер инсајдерот, Фабрицио Романо најави дека клубот сака што е можно побргу фудбалерто да потпише нов договор.
Деко, спортскиот директор на Барселона, ги договорил условите со менаџеорот на Кубарси пред две недели. Романо откри дека моментално се средуваат деталите и дека
тинејџерот наскоро треба да потпише договор кој ќе има вградена откупна клаузула од една милијарда евра.
Секако, Барселона не мисли дека некој ќе ја плати таа сума за играчот, туку сака да го заштити за да не може некој да му и „украде“ во случај да стави помала клаузула.
„Трансфермаркт“, веб-страница специјализирана за вредноста на фудбалерите, го проценува Кубарси на 25 милиони евра.
Спорт
Ерлинг Халанд станува лик во култната видео игра
Еден од најдобрите напаѓачи во светот, играчот на Манчестер Сити, Ерлинг Халанд (23), не е на нивото од минатата сезона, поради што неодамна беше мета на критики, пред се од поранешните играчи кои денес ги анализираат натпреварите за ТВ куќите.
какви стандарди постави Халанд минатата сезона најдобро покажува податокот дека оваа сеозна често го критикуваат, а тој има постигнато вкупно 32 гола (21 во Премиер лигата) на 40 настапи во сите натпреварувања.
Вредноста на Халанд за Манчестер Сити, со кого има договор до 2027 година, не е само на теренот, туку Норвежанецот е еден од најпопуларните фудбалери во светот, а неговиот маркетиншки потенцијал е огромен, а тоа го покажува и веста дека ова недела Халанд станува лик што може да се игра во видео играта „Clash of Clans“.
Ова е првпат во играта да се додаде вистинска личност, а Халанд ќе стане ликот на „Кралот на варварите“ во текот на месец мај.
Халанд ја игра „Clash of Clans“ повеќе од десет години и стапи во контакт со „Supercell“, финските програмери кои стојат зад популарната игра, за да формираат партнерство.
„Кога слушнавме дека Ерлинг Халанд е обожавател на нашата игра и сака да биде партнер со нас, тоа навистина беше сценарио од соништата“, изјави Стјуарт Мекгау, генерален директор на „Clash of Clans“.
Халанд имал десет години кога првпат ја открил оваа игра, а активно учествува и денес.
„Јас сум голем обожавател на играта долго време и знам сè за неа, така што е навистина кул да се појавиш како лик во играта“, рече Халанд.
Спорт
Салах му викал на Клоп: Ќе добијам црвен картон
Вест Хем и Ливерпул во Лондон минатата сабота одиграа 2:2 во 35. коло од Премиер лигата.
Тренерот на Ливерпул, Јирген Клоп, направи тројна замена две минути откако неговиот тим го прими вториот гол. Меѓу другите, во тој момент во игра влезе и најголемата ѕвезда на Ливерпул, Мохамед Салах.
Репрезентативецот на Египет пред да стапне на теренот влезе во жестока расправија со Клоп, тој момент го уловија камерите.
Англиските медиуми се занимаваа со ситуацијата неколку дена по натпреварот, анагжираа професионален читач од усни.
Тој откри дека Клоп го прекорувал Салах затоа што бил премногу бавен за да се подготви за натпреварот, по што почнала расправијата.
„Не можам да сторам ништо околу тоа“, рекол Салах, а одговорот на Клоп не е забележан на камерите. Меѓутоа рекол нешто што го вознемирило Салах, толку многу, што почна да вика дека ќе добие црвен картон кога ќе влезе:
„Ќе, ќе добијам црвен картон. По седум години, по седум години играње, по седум години играње“, викал египетскиот напаѓач.
Потоа ситуацијата ја смири соиграчот Дарвин Нуњез.
По натпреварот, Салах прошета низ микс зоната, но одби да одговара на новинарски прашања.
Само кратко им дофрли на насобраните новнари: „Ако зборувам денеска, ќе има оган“.