Црна хроника
Група мигранти откриени кај Штип
Група од девет нелегални мигранти се откриени при сообраќајна контрола на патниот правец Штип – Свети Николе, информираат од МВР.
Станува збор за шест сиријски, двајца државјани на Буркина Фасо и еден ирачки државјани.
Според информациите, во неделата околу 02:30 часот при обидот на полициски службеници да биде сопрено возило „Фолксваген шаран“, управувано од 36-годишниот струмичанец Т.Д. возилото продолжило да се движи. Возилото повторно е забележано на оддалеченост од два километри како стои парикирано, а од истото излегувале мигрантите кои се обиделе да побегнат.
Приведени се во штипската полиција. Кај нив немале документи за идентификација. Од извршениот разговор е дознаено дека откако нелегално влегле во Македонија, на м.в. „Гродошорска раскрсница“ кај Струмица биле преземени од Т.Д. кој за надомест од 20 евра од лице требало да ги пренесе до Велес, а потоа да заминат нелегално во Србија.
По документирање на случајот против Т.Д. ќе биде поднесена соодветна пријава, додека странските државјани се предадени во Прифатниот центар за странци во Скопје. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена нападната од сопругот во скопски Аеродром, полицијата го расчистува случајот
Вчера во 19.45 часот во СВР Скопје, 35-годишна жена од Скопје пријавила дека околу 15.30 часот на работното место, во трговски центар на подрачјето на општина Аеродром, по претходна расправија, била физички нападната од нејзиниот сопруг, 39-годишниот И.Ц. од Скопје, извести МВР.
Се преземаат мерки за расчистување на случајот.
Црна хроника
Пронајдено 14-годишно девојче од село Петровец, нејзиното исчезнување го пријавил таткото
Вчера во 20.00 часот во СВР Скопје било пријавено дека на подрачјето на Шуто Оризари била пронајдена 14-годишната С.С. од село Петровец, скопско, извести МВР.
На 04.05.2024 нејзиниот татко, 47-годишниот А.С. пријавил дека се оддалечила од домот, соопшти МВР.
Црна хроника
Уапсен државјанин на Бугарија, ја истепал својата поранешна сопруга од Скопје
Денеска, во 00.30 часот, полициски службеници од Полициската станица Драчево го лишиле од слобода 46-годишниот Н. И. Ц. од Република Бугарија затоа што на 6.5.2024 во 21.30 часот, по претходна расправија, физички ја нападнал својата поранешна 43-годишна сопруга од Скопје, при што употребил и тврд предмет, извести МВР.
По целосно документирање на случајот, ќе следува соодветен поднесок.