Свет
Нови тајни документи откриваат дека и Бил Клинтон бил на островот на Епштајн
Објавени се судски документи, кои досега беа тајни, а во кои се поврзуваат милијардерот Џефри Епштајн и поранешниот американски претседател Бил Клинтон.
Илјадници страници сведочења се објавени вчеравечер наспроти приговорите на Џислејн Максвел, неодамна обвинета за помагање на Епштајн, за време на целата операција на трговија со малолетнички.
Наводната жртва на Епштајн, Вирџинија Џуфри, во документите го опишува неговото вознемирување млади девојки, но и на неговата соработничка Џислејн Максвел.
Just watching blue check after blue check completely ignore the fact that a Jeffrey Epstein victim identified Bill Clinton as a resident of pedophile island.
How do you ignore what is objectively of the highest news value?
— Epstein Files Unsealed by Cernovich (@Cernovich) July 31, 2020
Џуфри претходно рече дека Максвел регрутирала тинејџерки и им наредувала да имаат сексуални односи со многу мажи, вклучително и со принцот Ендрју. Џуфри за време на изјавата навела дека со Епштајн се поврзани уште некои имиња на мажи со кои ја поврзала Максвел.
„Видете, ви кажав сè што моментно знам. Жал ми е. Ова ми е многу тешко и фрустрирачки. Не се сеќавам на сите луѓе. Ме испраќаа кај разни луѓе“, рекла Џуфри на адвокатот.
Во судските записи стои дека Максвел и нејзиниот адвокат ја прикажале Џуфри како несигурен сведок укажувајќи на грешките во некои датуми и бројки што ги навела. Принцот Ендрју и Ричардсон исто така ги негирале наведените обвиненија.
Six references to Bill Clinton in Virginia Roberts’ chat with her lawyers on April 7, 2011:
Asked about Epstein boasting “Bill Clinton owes me favors,” Giuffe said:
“Yes. I do. It was a laugh though. He would laugh it off… I didn’t know if he was serious. It was just a joke.” pic.twitter.com/InugMgHOz5
— Adam Klasfeld (@KlasfeldReports) July 31, 2020
За време на исказот во 2016 година, Џуфри рекла дека ѝ било платено за фотографија од неа и принцот Ендрју, која подоцна била објавена во многубројни медиуми. Исто така, рекла дека многупати летала со хеликоптер, со кој управувала Максвел, на приватниот остров на Епштајн на Карибите.
За време на исказот таа го коментирала и интервјуто што го дала во 2011 година и во кое навела дека Максвел тврдела дека на островот го возела и поранешниот претседател Бил Клинтон.
That’s it.
It’s over for Bill Clinton.
Eye witness has him on pedophile island. https://t.co/FGaNZglePm
— Epstein Files Unsealed by Cernovich (@Cernovich) July 31, 2020
„Џислејн ми кажа дека го донела и Бил Клинтон. А Џислејн сака да кажува за работи што звучат неверојатно. Вистина или не, тоа го кажав во интервјуто со Шерон Чрчер“, рекла Џуфри и додала дека забележала оти Чрчер погрешно ја сфатила нејзината приказна, но дека не се обидела да ја поправи.
Џуфри рекла дека тогаш го прашала Епштајн што бара Клинтон на островот.
„Се сеќавам дека го прашав Џефри што бара овде Бил Клинтон. Тој се насмевна и рече дека му должи услуга. Никогаш не кажа за каква услуга се работи. Не знаев ниту дали се шегува или е сериозен бидејќи често кажуваше дека сите му должат услуги“, рекла наводната жртва на Епштајн и додала дека во тоа време на островот биле Максвел и други девојки.
Клинтон го негира тоа тврдење на Џуфри дека тој бил на островот на Епштајн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.