Свет
Нова студија: луѓето може да им го пренесат коронавирусот на мачките и кучињата
Студија на италијански научници покажала дека луѓето може да им го пренесат коронавирусот на мачките и кучињата. Во студијата се испитани 540 кучиња и 277 мачки, кои живеат во домаќинства во северна Италија, особено во Ломбардија.
Научниците откриле антитела на коронавирус во 3,4 проценти од кучињата и 3,9 проценти од мачките, што укажува на тоа дека биле заразени со вирусот. Брисевите со активната вирусна инфекција биле негативни кај сите животни бидејќи временскиот период на неговото ширење завршил по две недели. Тестирањата се спроведени од март до мај оваа година.
Томас Метенлејтер, раководител на германскиот Државен институт за истражување на здравјето на животните, изјавил дека резултатите покажуваат дека е можен преносот меѓу луѓето и животните.
„Овие резултати го потврдуваат тоа што го знаевме од претходно“, рекол Метенлејтер предупредувајќи дека се работи за студија што сè уште не поминала рецензија.
Тој додал и дека поголем дел од студијата е без преседан бидејќи било тешко да се дојде до примероци. Појаснил дека повеќето тестирани животни доаѓаат од домаќинства зафатени со коронавирус, што значи дека заразата генерално се пренесува од луѓе на животни.
Сепак, мачките и кучињата не играат значајна улога во ширењето на вирусот и здравите луѓе не би требало да ги ограничуваат контактите со своите миленици, рекол германскиот научник.
Лицата, пак, заразени со Ковид-19 би требало да постапуваат спротивно, односно да се воздржат од контакти со милениците иако засега нема индиции по кои животните би можеле смртно да настрадаат од вирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.