Црна хроника
Србинот го пренесувал хероинот со тригодишната ќерка и сопругата за да не биде сомнителен
Српскиот државјанин, кој се обиде да прошверцува 10 килограми хероин, дрогата ја пренесувал заедно неговата сопруга, тригодишна ќерка и неговиот татко за полицијата да не се посомнева дека пренесува дрога, соопштуваат од МВР.
Тој сакал да ја прошверцува дрогата скриена во неговиот автомобил „Мерцедес А 104“ од Турција, преку Грција и Македонија, до Србија.
Полицијата имала претходни оперативни сознанија за можен транспорт на хероин, па околу 18 часот при влез во Македонија на граничниот премин „Богородица“, го запрела „мерцедесот“.
Царинската управа направила детален преглед и во отвор кој се наоѓал под совозачкото седиште се пронајдени 20 пакувања облепени со широка селотејп лента исполнети со вкупно 10 килограми хероин.
Дрогата била набавена од засега непознати лица од Турција. Вештачењето на дрогата покажало дека се работи за вискоквалитетен хероин кој достигнува цена од еден милион евра.
Оваа година, полицијата досега заплени околу 700 килограми различни видови дрога и 13.000 таблети./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.