Регион
Се топи предноста на Сириза пред претседателските избори во Грција
Најголемата опозициска сила во Грција, коалицијата на радикалната левица Сириза, којашто е противник на жестоките мерки за штедење по диктат на Брисел коишто ги спроведува актуелната коалициска влада на кознервативците и социјалистите во замена за меѓународните заеми, уште е во водство пред Нова демократија на премиерот Антонис Самарас, меѓутоа нејзината предност се топи, покажува анкетата објавена во вторникот, ден пред првиот круг од изборот за претседател.
За Сириза се изјасниле 28 отсто од испитаниците, додека доверба во Нова демократија имаат 23,1 отсто од избирачите, а за нејзиниот коалициски партнер Пасок се изјасниле 5,1 проценти од Грците, покажува испитувањето на јавното мнение коешто за телевизијата MEGA ја спровела агенцијата GPO.
Во спомената агенција 15 отсто испитаници не се одлучени. Според анкетата од октомври Сириза имаше предност од 6,5 отсто пред Нова деморкатија.
Владејачката коалиција минатата седмица ненадејно одлучи да побара претседателските избори да се одржат два месеца пред предвидениот рок, со што всушност ги одложи спроведувањето на мерките неопходни за добивање на последната транша од вкупниот заем од 240 милијарди евра коишто на Грција и’ ги одобрува „тројката“ меѓународни доверители – Европската унија, Меѓународниот монетарен фонд и Европската централна банка, за по изборите.
Грчкиот претседател се избира в парламентот, а за победа потребни се 180 гласови од вкупно 350 пратенички мандати. Меѓутоа, овие избори се важни бидејќи доколку во трите круга од гласањето не биде избран шеф на државата, на 29-ти декември, ќе мора да бидат распишани предвремени парламентарни избори. Доколку се суди по гласањето за буџетот за 2015 година, владејачката коалиција во моментов располага со 155 сигурни гласови.
Анкетите од минатата седмица укажуваа дека 64 отсто од испитаниците ја одобруваат владината одлука да подрани со претседателските избори. Алексис Ципрас, челникот на Сириза, е најпопуларниот политичар, меѓутоа Антонис Самарас е поспособен за премиер, сметаат испитаниците.
Анкетата на GPO укажува на намалување на разликата меѓу Сириза и Нова демократија. Сличен тренд покажаа и другите анкети, во кои левицата има уште помало водство меѓу 3,2 и 3,6 отсто./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.