Македонија
(Видео) Арсовски: СДСМ да објави со кои партии има формирано парламентарно мнозинство
![](https://makfax.com.mk/wp-content/uploads/2020/08/Untitled-3.png)
Портпаролот на ВМРО-ДПМНЕ, Димче Арсовски, ниту ги негира ниту ги потврдува информациите за тоа дека имаат приближни ставови со ДУИ за влада, како и за тоа дека договориле нешто за премиерското место.
„ВМРО-ДПМНЕ, како што можевте да видите и вчера во медиумите во кои имав одговор на прашање, работи на формирање парламентарно мнозинство и информации од непотврдени и неидентификувани извори, ниту ги потврдуваме ниту ги демантираме. Гледаме дека СДСМ и Заев велат дека имале мнозинство, а од друга страна, пак, тоа не го потврдуваат политичките партии. Би упатил јавно да го прашате СДСМ да објави со кои партии има формирано парламентарно мнозинство, кои се коалициските партнери на СДСМ, да изнесе детали, бидејќи зборовите што можевме вчера да ги видиме од нивна страна во медиумите, односно од нивни извори ‘СДСМ има мнозинство’ не се доволни за формирање влада, туку треба 61 пратеник да се согласат на тоа. Во спротивно на тоа, СДСМ во овој момент, освен што дрско краде, дрско и лаже, што впрочем не е ништо ново за нив изминативе три години. Така што може слободно да одговорат со кого формирале и детали за парламентарното мнозинство“, рече Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Муцунски во работна посета на Хрватска
![](https://makfax.com.mk/wp-content/uploads/2024/05/mucunski-1.jpg)
Министерот за надворешни работи и надворешна трговија, Тимчо Муцунски, денес (сабота, 29 јуни 2024г.) ќе престојува во работна посета на Република Хрватска, каде што на покана на министерот за надворешни работи на Хрватска, Гордан Грлиќ Радман ќе учествува на Дубровник форум 2024.
Министерот Муцунски ќе има обраќање на панелот „Западен Балкан: Отворање на реформскиот потенцијал”.
На маргините на форумот, министерот ќе оствари и бројни билатерални средби со свои колеги од повеќе земји.
Македонија
Дел од улиците во Аеродром денес ќе бидат затворени поради градежни активности
![](https://makfax.com.mk/wp-content/uploads/2018/09/soobrakjaen-rezim_.png)
Поради изведување градежни активности, денеска изменет режим на сообраќај ќе има во дел од скопската Општина Аеродром.
„На ден 29 јуни (сабота) на ул. ‘Борис Кидрич’ од крстосница со Ул. ‘Симеон Кавракиров’ до крстосница со Бул. ‘Кузман Јосифовски Питу ‘ – Општина Аеродром ќе се изведуваат градежни активности (гребење), па поради тоа ќе има изменет режим на сообраќај на наведените улици, информираат од изведувач на работите, компанијата ‘Гама градба’“.
Македонија
Сончево и потопло со мала до умерена облачност
![](https://makfax.com.mk/wp-content/uploads/2022/08/dojran-2.png)
Времето денеска ќе биде сончево и потопло со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 29 до 37 степени. UV=8
Во Скопје сончево и топло со мала до умерена облачност и со слаб до умерен северен ветер. Минималната температура ќе се спушти до 17, а максималната ќе достигне до 34 степена.
Во деновите од викендот и во понеделник времето ќе биде сончево и топло со мала до умерена локална облачност. Дневните температури насекаде ќе бидат над 30 степени.
Во вторник се очекува повторно дестабилизирање на времето со пороен дожд, грмежи и засилен ветер, локално во форма на невреме.