Регион
Милановиќ: Србите се „шака јада“, а БиХ е „биг шит“
Србите се „шака јада, мал народ, а БиХ не е држава туку, „биг шит“, вели лидерот на Народната коалиција на претстојните вонредни парламентарни избори, поранешен премиер и сегашен кандидат за премиер на Хрватска, Зоран Милановиќ на состанокот со хрватските воени ветерани на којшто разговараа за српскиот Закон за универзална јурисдикција за воени злосторства.
Хрватскиот дневен весник „Јутарнји лист“ на интернет страницата објави аудио снимки од состанокот кој бил тајно сниман и на којшто Милановиќ кажува навреди за Србите и за Босна и Херцеговина.Бранителите повикуваат на разум и покрај негативниот став на Милановиќ. За време на својот мандат Милановиќ немаше добри односи со бранителите, но во оваа кампања се чини дека сака да воспостави со нив подобра комуникација за да освои повеќе гласови. На снимката се слуша како хрватските ветерани од него бараат смирување на тензиите со Србија и дијалог со српскиот премиер Александар Вучуќ. Милановиќ вели дека Србија не е никаква дипломатска сила, дека „Србите се мал народ, „шака јада“ и ги наговара да не одржуваат состанок со Вучиќ бидејќи тоа според него, е понижување. „Ние сме во многу подобра ситуација. Србите ја изгубија војната, ние не сме осудени во Хаг. Овој закон ја става Србија во позиција на „мал Хаг“. Ќе чекаме да бидат ранети, а потоа ќе ги блокраме преговирте“, вели Милановиќ.Освен за Србија тој зборува и за БиХ која, според него, е уште поголем проблем од Белград.Тој не е воодушевен од ситуацијата во БиХ, за којашто вели дека е „биг шит“ и се жали дека во Сараево нема со кого да се разговара. Тензиите меѓу и Хрватска и Србија почнаа по донесувањето на Законот за воени злосторства, кој и овозможува на Србија да ги уапси оние лица кои ги смета за воени злосторници на територијата на Србија. Хрватска бара повлекување на Законот и поради овој Закон се заканува дека ќе ги блокира преговорите на Србија со Европската Унија, чија членка е Хрватска./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.