Црна хроника
Откриен уште еден арамија од „Македонски пошти“: Поштар од Делчево крадел пензии

Поштар од Делчево присвоил пензии на 11 пензионери, а парите си ги земал фалсификувајќи ги потписите, соопшти Министерството за внатрешни работи. Во последните неколку недели ова е трет откриен случај на вработен во „Македонски пошти“ кој крадел пари.
Ѓ.М. (47) од Кочани инаку вработен во „Македонски пошти“ РЕ Делчево, во декември, минатата година парите за исплата на 11 пензии во износ од 113.328 денари ги присвоил фалсификувајќи ги потписите од 11 пензионери од Делчево.
Полицијата поднесе кривична пријава против поштарот за сторено кривично дело „злоупотреба на службената положба и овластување“.
Пред два дена беше откриен случај на кражба од страна на вработен во подружница на „Македонски пошти“ во Кочани. МВР информираше дека В.Ј. (45) крадела од трансакциски сметки и присвојувала пари со кои граѓаните плаќале сметки за струја и вода. На овој начин, В.Ј. неовластено се послужила со 1,8 милион денари, а противправно за себе присвоила 39.304 денари.
Пред десетина дена, пак, полицијата поднесе кривична пријава против службеничка вработена во експозитура на „Македонски пошти“ во Катланово која два пати лажно пријави грабеж во поштата. Минатата година ја „олесни“ касата за 331.000 денари, а во лажната пријава овој месец службеничката украде 400 000 денари.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Втор претрес денеска во демирхисарско, пронајдена дрога и оружје

Полицијата го приведе М.Ш.(33) од Битола, со привремено живеалиште во селото Ракитница, Демирхисарско .
Врз основа на наредба од Основен суд Битола, извршен бил претрес во домот и помошните простории кои ги користи М.Ш. во с.Ракитница, при што биле пронајдени и одземени марихуана, дробилка, дигитална вага, воздушна пушка и дијаболи.
По целосно документирање на настанот, против лицето ќе биде поднесена соодветна пријава.
Претхоно денес беше приведен и М.С.(62) од с.Обедник, демирхисарско, по претрес во којшто беа најдени и одземени четири пушки, еден пиштол и 158 куршуми различен калибар.
Црна хроника
Пушки, пиштол и муниција пронајдени во Демирхисарско: уапсено едно лице

Денеска, полициски службеници од Надворешната канцеларија за криминалистички работи Демир Хисар заедно со полициски службеници од Полициската станица од општа надлежност Демир Хисар го лишиле од слобода М.С.(62) од с.Обедник, демирхисарско.
Врз основа на наредба од Основен суд Битола извршен бил претрес во домот и помошните простории кои ги користи М.С. во с.Обедник, при што биле пронајдени и одземени четири пушки, еден пиштол и 158 куршуми различен калибар.
Полицијата соопшти дека по целосно документирање на настанот, против лицето ќе биде поднесена соодветна пријава.
Црна хроника
Едно лице тешко повредено во Аеродром, го нападнале поради недоразбирање во сообраќајот

Едно лице е тешко повредено во Аеродром, го нападнале неколку лица поради недоразбирање во сообраќајот.
Според информациите во МВР, синоќа околу 00.10 часот во СВР Скопје било пријавено дека на автобуска постојка на подрачјето на општина Аеродром во Скопје, поради претходно недоразбирање во сообраќајот, Р.Ж.(56) од Скопје бил физички нападнат од неколку лица. Тој со тешки телесни повреди е пренесен во Комплекс клиники „Мајка Тереза“ во Скопје.
Се преземаат мерки за расчистување на случајот.