Црна хроника
Обвинителството ги даде завршните зборови во случајот ’Шпион’
Јавната обвинителка Лиле Стефанова во петок во Кривичниот суд во Скопје ги даде завршните зборови во судскиот процес за случајот „Шпион“ во кој 19 лица се осомничени за шпионажа, оддавање на државни тајни на странски разузнавачки служби, злосторничко здружување, уцена, изнуда, измама и злоупотреба на службената положба.
Таа побара сите сомничени да бидат прогласени за виновни за кривичните дела кои им се ставаат на товар и дека постојат материјални докази од кои јасно се гледа дека на едната страна се ообвинетите, а на другата страна се странските служби на кои биле испраќани информациите.
Завршните зборови ги започна со тоа дека првоосомничениот и организатор на групата, Марјан Ефремов, инаку поранешен вработен во Агенцијата за разузнавање, со цел да се стекне со имотно правна корист создал план за дејствување на криминалната група. Останатите осомничени за потребите на странски разузнавачки служби прибирале тајни податоци и докази што му ги предавале на Ефремов кој преку специјални сателитски системи и техники како и лично ги доставувал до лица кои работеле за овие разузнавачки служби.
Според зборовите на Стефанова, Ефремов ја организирал групата во 2009 година откако претходната година против него била поведена дисциплинска постапка со што го загубил работното место во службата за разузнавање. Со цел да ги продолжи врските со странските служби и стекнување на финансиски средства, тој решил да ја организира групата.
Обвинителката во завршните зборови се осврна на сите осомничени, меѓу кои е и поранешниот контраразузнавач Александар Динески во чиј компјутер бил пронајдена електронска порака испратена до новинарот Зоран Божиновски, кој е исто така осомничен, во која Диневски јасно кажува дека заедно со поранешниот полициски генерал Горан Стојков и Ефремов се договориле за создавање паралелна разузнавачка служба. Исто така, бил пронајден и word документ, кој бил испратен до лице означено со шифра, а во кој тој објаснува дека за потребите на странските разузнавачки служби ја шпионирале Македонија.
Обвинителството го повлече обвинението за поранешниот директор на Управата за спречување перење пари Ване Цветанов за шпионажа, но тој сé уште се товари за кривичните дела злосторничко здружување и одавање на државна и воена тајна.
Првоосомичениот Ефремов се бранеше со молчење, а обвинителката цени дека каква и да е одбраната што ќе ја даде во завршните зборови ќе биде спротивна на сите докази.
Судскиот процес за првата афера за шпионажа во Македонија започна на 27-ми јануари. Осомничените беа уапсени во септември, минатата 2013 година./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.