Европа
(Видео) Тихановскаја апелира до Европа: Не признавајте ги изборните резултати во Белорусија
Поранешната кандидатка за претседател на Белорусија, Светлана Тихановскаја, ги повика европските лидери да не ги признаат резултатите од претседателските избори одржани на 9 август, на кои победи Александар Лукашенко.
„Ве повикувам да не ги признаете овие лажни избори“, изјави Тихановскаја, обраќајќи се до Европскиот совет на англиски јазик на видеото што беше објавено на „Јутјуб“.
Таа додаде дека иницирала формирање на Национален координативен совет на Белорусија со цел да се олесни мирната транзиција на власта во Белорусија, пренесува ТАСС.
Тихановскаја рече дека телото веднаш ќе повика на нови, како што рече, фер и демократски претседателски избори под меѓународен надзор.
Таа ги повика европските лидери да ги почитуваат принципите на меѓународното право, суверенитетот на Белорусија и изборот на народот на Белорусија.
Тихановскаја е во Литванија, а нејзиното обраќање беше објавено пред вонредниот самит на ЕУ за ситуацијата во Белорусија, што треба да се одржи денес во форма на видеоконференција.
Националниот совет за координација, кој собира околу 70 членови на опозицијата, беше формиран во вторникот. Неговата главна цел е да ја олесни мирната транзиција на власта во Белорусија.
Белорускиот претседател Александар Лукашенко го отфрли формирањето на советот како обид за преземање на власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.