Наука
NASA: Откривме зошто се променила атмосферата на Марс
Американската агенција за вселенски истражувања NASA објави нови откритија поврзани со атмосферата на Марс, кои може да помогнат во запознавањето на минатото на планетата и можностите за живот на неа.
Милијарди години порано Марс изгледал многу слично на Земјата, претпоставуваат научниците. Но нешто се случило пред 3,7 милијарди години, што сериозно ја променило климата на Црвената планета и со време ја претворило во сува, пуста и замрзната безживотна планета која воопшто не личи на себе како што изгледала првично.
Со години научниците се прашувале каде исчезнале површинските води и атмосферскиот јаглерод диоксид од Марс, кои се важни за можен раст на растенијата. Но, сега се поблиску до одговорите на овие прашања и тоа благодарејќи на податоците што ги испрати MAVEN, станица на NASA која една година орбитираше околу Црвената планета.
NASA во четврток одржа прес-конференција на која ги објави новите откритија од мисијата на Марс.
Мисијата на Марс MAVEN (Mars Atmosphere and Volatile Evolution), што се занимава со истражување на горните делови на атмосферата на Марс, јоносферата и магнетосферата, го идентификувала процесот што најверојатно ја одиграл клучната улога во претворањето на климата на Марс од првично жешка и сува која би била погодна за создавање на живот, во студена и сушна, како што е денеска.
Податоците до кои дојде MAVEN им овозможија на научниците да ја одредат брзината со која атмосферата на Марс го губи гасот заради соларниот ветер.
Откритијата покажуваат дека ерозијата на атмосферата на Марс значително се зголемува за време на соларните бури.
„Марс изгледа имал густа атмосфера доволно топла за поддршка на вода во течна состојба која е клучна состојка и основа на животот каков што денес го познаваме“, рече Џон Грансфелд, астронаут и соработник администратор во NASA.
„Разбирањето на она што се случило во атмосферата на Марс ќе го унапреди нашето знаење за еволуцијата на било која планетарна атмосфера“, рече Грансфелд.
Мерењата на MAVEN покажуваат дека соларниот ветер го распрскува гасот според процент од околу 100 грама секоја секунда.
„Тоа е како кражба на неколку монети од благајната секој ден. Загубата станува видлива откако ќе помине подолго време“, рече Брус Џекоски, главен истражувач на MAVEN од Универзитетот во Колорадо.
„Видовме дека ерозијата на атмосферата се зголемува за време на соларните бури, па сметаме дека стапката на загуба била многу поголема пред повеќе милијарди години кога Сонцето било помладо и многу активно“, вели Џекоски.
Покрај тоа, низа драматични соларни бури ја погоди атмосферата на Марс во март 2015 година, а MAVEN утврди дека загубата била забрзана. Комбинацијата на поголеми стапки на загуба и зголемените соларни бури во минатото сугерираат дека загубата на атмосферата била главна причина за промената на климата на Марс.
Соларниот ветер е бран честици, во главно протони и електрони кои доаѓаат од сончевата атмосфера со брзина од околу милион милји на сат. Магнетното поле носено со соларниот ветер што поминува покрај Марс може да создаде електрично поле, како што турбините на Земјата произведуваат струја. /крај/мф/ст
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.