Црна хроника
Запленет хероин вреден 1,5 милион евра на црно
Во саботата македонската полиција пресече меѓународен канал за криумчарење хероин по една од ткн балкански рути која води од Турција, преку Бугарија и Македонија, за Косово, од каде најверојатно завршува на западноевропските илегални пазари
Запленетата дрога на големо чини околу 350 илјади евра, додека нејзината малопродажна цена на наркопазарите може да достигне и до 1,5 милиони евра имајќи го предвид квалитетот на запленетите 16 килограми хероин, .посочуваат од министерството за внатрешни работи.
Заплената е извршена во саботата во Скопје, откако претходно „ауди“ со косовски регистарски таблички бил сопрено на граничниот премин Деве Баир, при влез од Бугарија во Македонија.
Имено припадниците на Центарот за сузбивање организиран и сериозен криминал од Одделот за недозволена трговија со дрога, во содејство со Царинската управа, во рамките на обемната операција „Босфор“, којашто се спроведува подолг период во соработка со останатите полиции од регионот имале претходно добиено сознание за можен транспорт на хероин со автомобил „ауди“ со косовски регистарски ознаки. Автомобилот во саботата управуван од 47-годишне државјанина Косово при влез во земјава бил селектиран за претрес, а поради немање соодветни услови за детален претрес, лицето и возилото биел спроведени во Скопје, каде што на Царинскиот терминал „Дени Интернационал“ и во автосервисот на МВР бил извршен дополнителен претрес на возилото.
Деталниот претрес на „ауди“-то покажало дека во него се вградени специјално направени бункери во внатрешниот дел на бандажите (дупло дно), на сите четири тркала на возилото, кои биле исполнети со материја во прашкеста состојба. Подоцна со вештачење во Одделот за криминалистичка техника на министерството е утврдено дека се работи за вкупно 16 килограми хероин, и тоа со многу висок квалитет.
Косовскиот државјанин, кој бил транспортер, хероинот го преземал од турската метропола Истанбул, и требало да го пренесе до засега неидентификувано лице во Приштина
По целосно документирање на случајот, против косовскиот државјанин до Основното јавно обвинителство ќе биде поднесена кривична пријава за сторено кривично дело „неовластено производство и пуштање во промет на наркотични дроги, психотропни супстанции и прекурзори“, и ќе биде предадено на Истражен судија за натамошна постапка.
Се преземаат мерки за целосно расчистување на случајот, утврдување и кривично правно санкционирање и на други лица инволвирани во случајот.
Инаку, ова е прв случај на заплена на хероин, кој е транспортиран на ваков начин и досега не е регистриран ваков транспорт на оваа хероинот, како Македонија, така и во земјите од регионот и пошироко.
Вклучувајќи ја и оваа заплена, во досегашните осум акции во рамки на оперативната обработка „Босфор“, од 2008 година наваму, запленети се околу 355 килограми чист хероин, кој на западноевропските пазари изнесува над 15 милиони евра, а откриени и пријавени се четириесетина сторители кои се товарат за недозволена трговија со наркотици./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со измами за лажни сообраќајки, охриѓанец „заработил“ 3,6 милиони денари, полицијата го уапси
Полицијата расчисти девет сторени кривични дела измама за лажни сообраќајни незгоди, охриѓанец заврши во притвор, жртвите ги оштетил за 3.600.000 денари.
Полицијата вчера го уапси П.С.(38) од Охрид. По извршен службен разговор П.С. појаснил за начинот, местото и времето на извршување на девет кривични дела од кои шест во Штип и три во Виница при што пријавителите се оштетени за околу 3.600.000 денари. Тој се јавувал на повозрасни лица и лажел дека нивни блиски направиле сообраќајки и им барал пари.
На измамникот му е одреден притвор.
Црна хроника
Бил агресивен и искршил куќна ограда: уапсен маж од Струшко
Синоќа во 21 часот, во струшкото село Радожда, лишен од слобода е К.С.(33) од истото село.
Тој бил пријавен дека го нарушил јавниот ред и мир со агресивно однесување кон М.М. и неговото семејство и извршил оштетување на нивната куќна ограда.
Полицијата соопшти дека по целосно документирање на настанот, против него, ќе биде поднесена соодветна пријава.
Црна хроника
Претрес во Кавадарци, пронајдено оружје и муниција, уапсено едно лице
Вчера вечер во 22:00 часот, во Кавадарци, полициски службеници го уапсија А.М.(38) од Кавадарци. При претрес во неговиот дом, извршен со судска наредба од Основен суд Кавадарци, биле пронајдени и одземени гасен пиштол, рамка со куршум, воздушен пиштол, два револвери и 58 куршуми 9 мм, кои ги поседувал без соодветна документација.
Тој бил задржан во полициска станица, известен бил јавен обвинител и по документирање на настанот, против него ќе биде поднесена соодветна пријава.

