Спорт
Поранешниот претседател на Реал: Заминувањето на Меси е удар за Ла Лига

Потенцијалното заминување на Лионел Меси од Барселона ќе биде голем удар за Ла Лига, смета поранешниот претседател на Реал Мадри,д Рамон Калдерон. Аргентинецот пред два дена го извести клубот дека сака да ја раскине соработката, без оглед на тоа дали првиот човек на Барселона, Џозеп Бартомеу, ќе остане на функцијата или не.
„Тоа навистина би бил голем удар за имиџот и квалитетот на Ла Лига. Имавме среќа во последните десет години во лигата да ги гледаме Кристијано Роналдо и Меси, двајцата најдобри во светот. Повеќе нема да бидат тука. Тоа е голем удар“, рекол Калдерон дополнувајќи дека е изненаден од одлуката на Меси.
„Сигурно е разочаран од она што се случува во клубот. Поразот од Баерн влијае врз сите во Барселона. Поради тоа, Меси размислува за иднината. Лично веста ме шокира, мислев дека решил кариерата да ја заврши во Барселона“.
Меси е 20 години во Барселона, 17 од нив е дел од сениорскиот тим. Аргентинецот е најдобриот стрелец и играч во историјата на клубот од „Камп ноу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.