Регион
Хрвати ја тужат Австрија зошто се заразиле со Ковид-19 додека биле на скијање во Тирол
Девет хрватски државјани ја тужат државата Австрија поради заразување со коронавирус на едно австриско скијалиште. Првото рочиште ќе биде одржано на 23 септември во Сојузниот суд во Виена.
Се работи за случаи за надалеку познатото монденско скијалиште Ишгл во Тирол, „алпска Ибица“, од каде кон крајот на февруари и во првите недели од март низ Европа почна да се шири заразата на коронавирус.
Како што рече Питер Колба, првиот човек на Здружението за заштита на потрошувачите од Виена, во интервјуто за Слободанка Далмација во Сплит, на крајот, илјада од нив од 45 земји изјавија дека се подготвени да поднесат тужба на суд и да побараат обештетување. Според Колба, девет од тие илјадници се од Хрватска.
„ Ја тужиме Австрија како држава, затоа што тоа е сојузниот министер кој е одговорен за здравјето на сите луѓе на нејзината територија. Ова, се разбира, не ја намалува одговорноста на регионалните власти во Тирол, ниту на општините на чија територија административно се наоѓа Ишгл, но недостигаат упатства и строги мерки од Виена“, рекол Колба.
Тој вели дека администрацијата требало да предупреди седум дена пред или да ги затвори ски-центрите седум дена пред тоа, а не да чека до 13 март.
„Тогаш дојде хаосот“, нагласи Колба.
Покрај туристите, додаде тој, оштетени се и луѓето кои служеле во хотелите таму и планот е да ги претставува и нив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.