Европа
Детали за страшното убиство во Германија: Mајка со апчиња ги отрула своите пет деца
Германската полиција вчера пронајде тела на пет деца во зграда во Золинген, град во западна Германија.
Имено, 27-годишна мајка отрула пет од своите шест деца пред да се обиде да си го одземе животот фрлајќи се под воз.
Таа се фрлила на шини во Диселдорф, нешто повеќе од 30 километри од станот каде што ги отрула своите деца. Полициски извори соопштија дека децата биле отруени со апчиња.
Починатите деца се три девојчиња на возраст од една и пол, две и три години и две момчиња на возраст од шест и осум години. Шестото и најстаро дете, единаесетгодишен син, е жив и безбеден, а за него се грижат роднини. Локалните медиуми јавуваат дека тој со својата мајка тргнал на железничка станица за да ја посетат бабата, а мајката излегла на станицата во Диселдорф, каде се фрлила под воз.
Полицијата соопшти дека бабата направила телефонски повик околу 14 часот, по што се упатила кон станот во Золинген. Самите работници од службите за итни случаи биле трауматизирани од глетката што ја нашле во станот. Тие се обиделе да ги реанимираат децата, но било предоцна.
Не е јасно дали преживеаното дете било сведок на настаните во станот.
Портпаролот на полицијата, Штефан Вејанд, рече дека станува збор за трагична ситуација и додаде дека мајката закрепнува и сè уште не е во можност да биде испрашувана.
„Не знаеме како и зошто се случи ова страшно злосторство“, изјави Вејанд за локалните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.