Македонија
(Видео) Минибус се запали на автопатот Миладиновци – Штип
Минибус денеска се запали на автопатот Миладиновци – Штип.
Во него немало патници, а возачот непосредно пред избувнувањето на пожарот излегол од возилото.
Миладиновци – ШтипМини автобус, среќа без патници. Пожарна само што пристигна
Posted by Irina Nakov on Петок, 04 септември 2020
Очевидци, односоно граѓани кои движеле во правец кон Штип, го забележале возилото кое гори. Од видеото се гледа дека минибусот е во пламен, а има и голем облак од густ црн чад.
Според кажувањата на очевидците, возачот повикал противпожарна екипа која треба да пристигне од Свети Николе за да го стави пожарот под контрола.
Моментно сообраќакот на едната коловозна лента на овој патен правец е во застој.
Пожарот во месноста Крушица светиниколско, е ставен под контрола за да не се прошири на околната шума покрај автопатот која ја зафати огнот од запаленото вовило. Како што инфромираат од територијалната противпожарна единица од Свети Николе во гасењето на пожарот учествуваат шест пожарникари со две возила, а има и полициска екипа која во текот на денот треба да изврши увид на местото на несреќата.
Запалениот минибус бил во сопственост на приватна штипска компанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.