Спорт
ОФИЦИЈАЛНО: Меси останува уште една сезона и удри по претседателот – Бартомеу ме измами!
По десет дена „хаос“ по факсот кој го прати со барање за заминување од Барселона, Лионел Меси официјално потврди дека ќе остане во дресот на Блауграна уште една сезона откако стана невозможна идејата за трансфер.
И покрај тоа што претпладнето помина со официјални соопштенија околу валидноста на клаузулата од 700 милиони евра во договорот со Барселона, Меси на крајот „потклекна“ и објави дека ќе остане во клубот уште една сезона, избегнувајќи „војна“ со клубот каде што ја помина целата професионална кариера.
„Не бев среќен и сакав да заминам. Не ми беше дозволено да го направам ова на никој начин и ќе останам во тимот за да не влеземе во легална борба. Водството на клубот предводен од Жосеп Марија Бартомеу е катастрофа“, се вели во изјавата на Меси.
„Кога на семејството кажав дека сакам да заминам, беше брутална драма. Цело семејство плачевме, моите деца не сакаат да си одат од Барселона. Но, јас сакам да се натпреварувам на највисоко ниво и во Лигата на шампионите. Мораш да се натпреваруваш, а не да се распаѓаш како што направивме во Рим, Ливерпул, Лисабон“, додава Меси.
Главен виновник според него е Бартомеу кој не го исполнил ветувањето.
„Мислев и бев сигурен дека можам да заминам бидејќи претседателот секогаш го велеше тоа. Сега се држат до тоа дека не сум го објавил до 10 јуни, кога во тој период се боревме за титулата од Ла лига и со овој страшен корона вирус кој ја помести сезоната. Затоа нема да продолжам со клубот. Ќе останам уште една сезона бидејќи претседателот ми кажа дека единствен начин да заминам е да се платат 700 милиони евра што е невозможно. Имаше и друг начин, да одам на суд. Но, не сакав да одам на суд против Барса, бидејќи тоа е клубот кој го сакам и кој ми даде многу откако пристигнав. Го направив мојот живот тука. Не помислив да одам на суд“, вели Меси.
Таткото на Меси, Хорхе, претходно напиша писмо со кое ја оспоруваше валидноста на неговата откупна клаузула од 700 милиони евра, по што Ла лига официјално посочи дека клубот е во право, уривајќи ги сите шанси тој да замине во Манчестер сити кај својот поранешен ментор, Пеп Гвардиола.
Со ова се избегнува јавната „пресметка“ помеѓу Меси и Барселона, која секако ќе ги поставеше двете страни во негативно светло во јавноста, но останува да се види како ќе функционира тоа на фудбалскиот терен, посебно откако новиот тренер Роналд Куман уште пред неговото барање за трансфер му порача дека веќе нема да има „привилегии“ за него во „обновената“ Барселона. Исто така ќе биде интересно да се види мотивацијата на Меси да игра кога е „приморан“, но и шансата следната сезона да замине од „Ноу камп“ како слободен фудбалер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.