Црна хроника
Убиен тетовец, напаѓачите во бегство
Тетовецот Крсте Стерјоски бил убиен ноќта меѓу саботата и неделата, соопшти СВР Тетово.
Две лица на возраст од 21 и 22 години од Тетово, извршиле напад врз 65-годишниот Крсте Стерјоски, а од здобиените повреди, тој починал.
Како што информираше портпаролот на СВР Тетово. Марјан Јосифовски, нападот се случил во петокот меѓу 15 и 16 часот, на улица „Гоце Делчев“, во непосредна близина на православните гробишта во Тетово, при што Стеројски се здобил со сериозни повреди.
Веднаш по нападот повредениот со возило бил однесен во Тетовската клиничка болница, каде му била укажана лекарска помош, но заради сериозноста на повредите, итно бил префрлен на Скопските клиники каде починал.
Обдукцијата била извршена во неделата.
„Полицијата извршила увид набрзо по пријавувањето на случајот, подигнала и одредени траги за вештачење и разговарала со лекарите во Тетовската болница. Двајцата осомничени сé уште се во бегство, распишана е потрага по нив и издадена е наредба од истражен судија за нивно приведување“, вели Јосифовски.
Стерјоски долго време работел во Швајцарија и покрај македонско, имал и швајцарско државјанство, а во родниот град се вратил пред неколку години по што почнал сопствен бизнис./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Истрага за две разбојништва во Скопје: тетовец со закани со скалпер се заканувал кон вработените и крадел пари од обложувачници
Јавен обвинител од Основното јавно обвинителство Скопје донесе Наредба за спроведување истражна постапка против 25-годишник од тетовско Боговиње поради сомнение дека сторил две кривични дела – Разбојништво согласно член 237 став 4 во врска со став 1 од Кривичниот законик.
На 12 септември влегол во обложувалница на улицата “Никола Тримпаре” и со опасно орудие – скалпер се заканил по животот на една вработена и одзел 211.680 денари од сефот и касата.
На 14 септември, на сличен начин, од обложувалница во трговскиот центар “Лептокарија”, заканувајќи се со скалперот на еден вработен, одзел 80.250 денари.
Бидејќи постои опасност од бегство, можност да ја попречува постапката и да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Кучиња скитници искасаа жители во Скопје
Вчера во 18.45 часот во Полициска станица Аеродром, А.Љ.(43) од Скопје, пријавил дека на бул.„Трета Македонска Бригада“ во Скопје бил каснат од куче скитник.
Истиот ден во 12.35 часот во Полициска станица Гази Баба, С.С.(40) од Скопје пријавил дека на ул.„Методија Андонов Ченто“ во Скопје бил каснат од куче скитник.
Синоќа околу 21.00 часот во Полициска одделение Петровец, С.П.(44) од с.Петровец, скопско пријавила дека во с.Катланово била касната од куче скитник.
Црна хроника
Малолетник споделил експлицитни фотографии од неговата малолетна девојка на интернет, во ПС Драчево бил извршен службен разговор
Вчера во Полициската станица Драчево бил извршен службен разговор со малолетник од скопско, постапувајќи по претходна пријава дека на социјална мрежа споделил фотографии со експлицитна содржина од неговата малолетна девојка, извести МВР.
По целосно документирање на случајот ќе следува соодветна пријава.