Свет
(Видео) Во заседа застрелани полицајци во Лос Анџелес
Двајца полицајци од Лос Анџелес закрепнуваат во болница кога беа застрелани во заседа, соопшти полицијата.
Снимката од инцидентот покажува еден човек како се приближува до полициското возило по што пука во полицајците и бега.
We stand with our brothers and sisters at the @LASDHQ tonight. The thoughts and prayers of the men and women of the LAPD, are with the two deputies that were ambushed while sitting in their vehicle earlier this evening. https://t.co/zW4MKi6j6v
— LAPD HQ (@LAPDHQ) September 13, 2020
Не е познат идентитетот на полицајците, но неофицијално се дознава дека се работи за 31-годишна жена и 24-годишен маж. Полицајката е застрелана во градите и раката и била во критична состојба, но сега е стабилна по операцијата, велат од полицијата. Нејзиниот колега е застрелан во челото, раката и во дланката, а неговата состојба е опишана како алармантна, пренесе „Еј-би-си њуз“.
Шерифот на полицијата во Лос Анџелес, Алекс Вилануева, овој чин го нарече кукавички, а осомничениот за нападот се уште е во бегство.
We at @LASDHQ would like to offer our sincerest appreciation for the overwhelming support being offered from all over the Nation.
We also wish to thank @LACountyBOS for sponsoring the $100K reward for the arrest and conviction of this coward.https://t.co/6NJPRJ0r4w pic.twitter.com/w3WxdDNz31
— Alex Villanueva (@LACoSheriff) September 13, 2020
„Ова е само мрачен потсетник на тоа дека ова е опасна работа. Акциите имаат последици и нашата работа не станува полесна бидејќи луѓето не сакаат спроведување на законите“, рекол шерифот.
Полицијата објави дека нуди 100.000 долари награда за оној што ќе достави какви било информации за засега непознатиот напаѓач.
Last night I was arrested and charged with obstructing a peace officer by @LASDHQ after videotaping their interactions with protesters in Lynwood. This is what I remember and what I have on video and audio.
— Josie Huang (@josie_huang) September 13, 2020
Демонстрантите извикуваа пароли против полицијата и го блокираа влезот во амбуланта во која се наоѓаа двајцата повредени полицајци, соопшти полицијата. Уапсени се две лица, меѓу кои и еден новинар, за кој полицијата тврди дека се обидел да го попречи апсењето на друго лице, кое не се идентификувало како член на медиумите.
На својот профил на „Твитер“ претседателот, Доналд Трамп, сподели видео од инцидентот.
„ Животни што треба силно да бидат удрени“.
Неговиот демократски противник на претстојните избори, Џо Бајден, рече дека се моли полицајците да закрепнат што е можно побргу.
This cold-blooded shooting is unconscionable and the perpetrator must be brought to justice.
Violence of any kind is wrong; those who commit it should be caught and punished.
Jill and I are keeping the deputies and their loved ones in our hearts and praying for a full recovery. https://t.co/330QfeIUGg
— Joe Biden (@JoeBiden) September 13, 2020
„Ова ладнокрвно пукање е несовесно и сторителот мора да биде изведен пред лицето на правдата“, објави тој на „Твитер“.
„Насилството од секаков вид е погрешно; оние што го прават тоа треба да бидат фатени и казнети“, додаде Бајден.
Статистиката на ФБИ открива дека во 2020 година биле убиени речиси 40 дежурни полицајци. Осуммина од нив се жртви на заседи како оваа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.
Свет
Најмалку 30 лица загинаа во израелските напади врз бегалскиот камп Џабалија во Газа
Најмалку 30 лица загинаа во израелските напади врз бегалскиот камп Џабалија во северниот дел на Газа, соопшти Агенцијата за цивилна заштита во Газа.
Портпаролот на Агенцијата Махмуд Басал изјави дека 12 лица, меѓу кои и жени и деца, загинале во нападот што се случил синоќа нешто пред 21:40 часот по локално време, додека 14 лица се водат како исчезнати и најверојатно заробени под урнатините.
Пред тој инцидент, директорот на Агенцијата Ахмад ал-Кахлут рече дека 18 лица биле убиени во неколку напади, вклучително и напади врз осум училишта во кампот, кои служеле како засолништа за раселените лица.
Најмалку 110 лица се повредени во нападите што се случија во текот на денот.
Израелската армија тврди дека убила десетици милитанти во Џабалија, без да обезбеди никакви докази.
Фотографиите што ги објавија медиумите од околината покажаа дека меѓу загинатите има многу деца.
Во меѓувреме, добротворната организација Лекари без граници соопшти дека илјадници луѓе се заробени во кампот, додека член на персоналот рече дека луѓето кои се обидувале да заминат биле „застрелани“.
„Никој не смее да влезе ниту да излезе, а секој што се обидува да замине е застрелан“, напиша координаторката на проектот на Лекари без граници, Сара Вилстек на мрежата Х.
Лекари без граници за Ројтерс изјавија дека најмалку 61 Палестинец биле убиени вчера низ Појасот Газа.
Новинари, исто така, се убиени и ранети во израелската офанзива во северниот дел на Газа, во која, според Гардијан, се мета и болниците, а Ал Џезира оваа недела повторно го обвини Израел дека намерно ги гаѓал откако двајца негови новинари беа тешко повредени.
Израел негира дека намерно гаѓал новинари.
Претставници на ОН изразија загриженост дека тековната израелска офанзива и наредбите за евакуација во северниот дел на Газа може да ја нарушат втората фаза од кампањата за вакцинација против детска парализа, која треба да започне следната недела.
Групите за помош го спроведоа првиот круг вакцини минатиот месец, откако во август беше откриено бебе делумно парализирано од вирусот на детска парализа тип два, прв таков случај на територијата во последните 25 години.
Свет
„Боинг“ планира да отпушти десет проценти од работниците
„Боинг“ планира да отпушти десет проценти од своите работници во наредните месеци бидејќи продолжува да губи пари и се обидува да се бори против штрајкот што ја спречува компанијата да ги произведува своите најпродавани авиони.
Новиот извршен директор Кели Ортберг испрати електронска пошта до персоналот во која вели дека отпуштањата ќе вклучуваат директори, менаџери и други работници.
Компанијата веќе воведе континуирани отпуштања, но Ортберг рече дека нема да има повеќе поради претстојните отпуштања кои ќе укинат 17.000 работни места, пишува РСЕ.
Компанијата ќе го одложи пуштањето во продажба на новиот авион, 777X, во 2026 година наместо во 2025 година.
Исто така, ќе го прекине производството на товарната верзија на својот авион 767 во 2027 година, откако ќе ги исполни сите нарачки.
„Боинг“ загуби повеќе од 25 милијарди долари од почетокот на 2019 година.
Синдикатот на машинските работници штрајкува од 14 септември, а дводневните преговори оваа недела не постигнаа договор.