Европа
Бородај најави нова офанзива на проруските сили
Лидерот на проруските сили на истокот од Украина, Александар Бородај, го предупреди Киев дека неговите сили откако ќе се прегрупираат ќе започнат со нова офанзива на пошироките подрачја во Донецк, пренесуваат странските медиуми.
Бородај во интервју за рускиот портал Gazeta.ru изјави дека „проруските сили не се подготвуваат за да преживеат во услови на опсада, туку дека подготвуваат акција“, пренесува Reuteurs.
Проруските сили изминатиот викенд, по повеќемесечни борби, го напуштија Славјанск, а претседателот на Украина, Петро Порошенко, оваа „победа“ на својата војска ја нарече „пресвртница во борбите со сепаратистите“.
Бородај, кого проруските сили го прогласија за премиер на самопрогласената Народна Република Донецк, рекол дека повлекувањето на министерот за одбрана на републиката, Игор Стрелков, од Славјанск, е дел од прегрупирањето на проруските сили во овој регион.
„Стрелков е главен командант на војската. Сега со целата војска со која досега командував јас, со поголем или помал успех, ќе биде воспоставена силна командна вертикала. Игор и јас ќе успееме да изградиме многу ефикасна, јасна вертикала“, истакнал Бородај.
По напуштањето на Славјанск и Краматорск, проруските сили со најголемиот дел од воената техника којашто ја поседуваат се повлекоа во Донецк.
Веднаш по ваквото повлекување властите во Украина најавија дека ќе постават силна блокада околу овој град, како и околу Луганск.
„Каква и да е блокада околу овие два града од страна на украинските воени сили е невозможна. Украинската војска не е во состојба да спроведе вистинска блокада над само еден град, а не тоа да го направи над два, па така не гледам дека овие закани би можеле да се остварат“, нагласил лидерот на проруските сили.
Бородај додал дека се консултирал со властите во Москва околу прашањата поврзани со конфликтот на истокот од Украина, но негирал дека има увид во плановите на официјален Кремљ, како и дека од Москва добива директни парични средства./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.