Црна хроника
Тешко повреден кичевчанец во сообраќајка на патот Охрид-Кичево
Кичевчанец се бори за живот на скопските клиники по тешката сообраќајна несреќа што се случи вчера околу 13.20 часот се случи на магистралниот пат Охрид – Кичево, во близина на „Опел Старт“, јавува Охридњуз.
Во несреќата учествувале возило „Опел Астра“ управувано од 82 годишен жител на кичевското село Српница и„ голф“ со струшки регистерски таблички управувано од 25 годишен жител на селото Теферич.
Во несреќата со тешки телесни повреди се здобил возачот на астрата, кој веднаш бил пренесен во специјалната болница „Св. Еразмо“ во Охрид, од каде поради сериозноста на повредите е префрлен во Клиничкиот центар во Скопје.
На местото на несреќата излегла екипа на сообраќајната полиција, а за време на увидот возилата на прометната магистрала наизменично се пропуштаа во двата правци.
Причините за сообраќајната несреќа се утврдуваат./крај/ох
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица повредени во сообраќајна несреќа на локалниот пат Куманово – с.Романовце
Вчера околу 15:30 часот во СВР Куманово било пријавено дека на локалниот пат Куманово – с.Романовце се случила сообраќајна несреќа помеѓу патничко возило „фиат“ со скопски регистарски ознаки, управувано од С.М.(25) од Скопје и патничко возило „опел“ со гостиварски регистарски ознаки, управувано од Г.Д. (29) од Скопје.
Во несреќата со тешки телесни повреди се здобил Г.Д., констатирани во Комплекс клиники „Мајка Тереза“ во Скопје, а со телесни повреди се здобиле С.М. и неговиот сопатник Ф.С., констатирани во Општата болница Куманово.
Увид на местото извршила увидна екипа од СВР Куманово.
Црна хроника
Скопјанец во дворот пронашол залутано зрно од огнено оружје
Вчера во 11.20 часот во СВР Скопје, Д.С.(73) од Скопје пријавил дека во дворот од семејната куќа на подрачјето на Драчево пронашол залутано зрно од огнено оружје.
Извршен бил увид од увидна екипа од СВР Скопје, а зрното било подигнато за понатамошна постапка.
Црна хроника
35-годишен кавадарчанец му се заканувал на градоначалникот на општината
Закани од 35 годишен кавадарчанец добил градоначалникот на Општина Кавадарци, Митко Јанчев.
Вчера во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци, затоа што агресивно се однесувал кон М.Ј.(43) од Кавадарци и му упатил закани.
Тој е задржан во полициска станица и по целосно документирање на случајот против него ќе биде поднесена соодветна пријава.