Црна хроника
Напаѓачот на пожарникарите во САД сакал „да убива , бидејќи тоа го прави најдобро“
Американецот Вилијам Спенглер џуниор се вооружил во понеделникот наутро со пушка, револвер и сачмарка и тргнал во крвав поход, а и претходно убивај, пишува во средата The New York Times.
Со голема омраза кон сестра си со којашто живеел и со желба да им наштети на соседите, Вилијам Спенглер џуниор направил груб план од кој можело да се насети што ќе се случи.
„Сега доправа треба да се види колку соседства може да се запалат и да се занимавам со ова што најмногу го сакам – убивањето“, напишал е 62-годишниот Спенглер во порака којашто полицијата ја пронашла откако во понеделникот уби двајца пожарникари и рани уште двајца кои се на интензивна нега, во американското гратче Вебстер во сојузната држава Њујорк.
Според полициското досие, Спенглер пред 32 години во куќа во Лејк Роуд на брегот на езерото Онтарио со чекан ја убил својата баба.
Во вторникот полицијата на списокот негови жртви ја додала уште една најверојатна, откако во неговата куќа се пронајдени „човечки останки“, а се верува дека станува збор за Черил Спенглер, неговата 67-годишна сестра.
Меѓу братот и сестрата имало толку голема омраза што живееле на спротивните краеви на истата куќа, изјави за локалните медиуми нивен поранешен сосед Роџер Веркруиз. „Ја мразеше сопругата, но мајката ја сакаше“, додал соседот. Додал дека кога мајката Ајрлин Спенсер била сместена во соседниот дом за стари лица, Вилијам секојдневно ја посетувал, а откако починала на 7-ми октомври годинава во 91 година од животот, сестрата Черил ангажирала адвоката за наследство на куќата.
Убиецеот Вилијам Спенглер во 1980 година, кога имал 30 години ја убил сопствената баба. На мајка си и’ рекол дека ја нашол на скалилата, ја прифатил спогодбата и е осуден за убиство од небрижност на 17 години затвор. Од затворот излегол во 1998 година и се вратил дома.
Утрото на католички Бадник, Спенглер го запалил автомобилот, а кога пожарникарите пристигнале почнал да пука од пушка „Bushmaster“ калимар 223 мм, исти тип полуавтоматско оружје со коешто десетина дена претходно 20-годишниот Адам Ланза го изврши масакрот во училиштето „Сенди Хук“ во гратчето Њутаун во државата Конектикат, кој уби 26 лица, од кои дваесет деца на возраст од шест и седум години./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.