Црна хроника
Вкупно 48 албански државјани нелегално престојувале во Полог
Вкупно 48 албански државјани нелегално престојувале и работеле во гостиварско-тетовскиот регион, соопшти МВР.
Во тетовска Мала и Голема Речица, Боговиње и Камењане откриени се и приведени вкупно 19 албански државјани на возраст од 25 до 45 години, кои не поседувале никакви документи и непријавено работеле како градежни и полски работници.
Во Гостивар, Чегранскиот и Врапчишкиот регион полицијата откри 29 албански државјани-економски емигранти, претежно со непријавен престој, а значителен број и без документи. И против нив ќе следат поднесоци и депортирање.
По целосното расветлување на сите поединости поврзани со нивниот престој и работа во Полог, странските државјани ќе се соочат со соодветни поднесоци и ќе бидат депортирани во матичната земја./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Импровизиран кревет и забоден кујнски нож нашла Кацарска пред гаражата – заканите се пријвени во МВР
Претседателката на Уставниот суд, Добрила Кацарска, пријавила во МВР дека добила закани за својот живот.
Од полицијата информираа дека случајот бил пријавен во текот на вчерашниот ден.
„Од страна на Д. К. било пријавено дека на подрачјето на Центар во подземни гаражи, пред нејзиното гаражно место, биле пронајдени импровизиран кревет и кујнски нож, кој бил забоден на прекинувачот за светло“, велат од МВР.
За случајот известен е јавен обвинител, предметите се подигнати за вештачење и се преземаат мерки за расчистување на случајот.
Црна хроника
Во хотелска соба во Охрид пронајдена почината 82-годишна жена од Аргентина
82-годишна жена била пронајдена почината во Охрид, соопшти полицијата.
Имено, на 14.5.2024, во 7.15 часот, во СВР Охрид е пријавено дека во соба во хотел во Охрид, каде што престојувала, била пронајдена почината Р. В. Б. (82) од Аргентина.
Лекар од итната медицинска помош констатирал смрт без видливи траги на насилство.
Надлежните извршиле увид.
Црна хроника
Тројца повредени во сообраќајна несреќа на магистралниот пат Кичево – Охрид
Вчера во 18.50 часот во ОВР Кичево било пријавено дека на магистралниот пат Кичево-Охрид, во атарот на село Подвис, кичевско, се случила сообраќајна несреќа помеѓу товарно возило „рено“ со скопски регистарски ознаки, управувано од 21-годишниот Ф.Ѓ. од Кичево и патничко возило „мерцедес“ со италијански национални ознаки, управувано од 48-годишниот Ч.К. од Република Албанија, извести МВР.
„Во несреќата со тешки телесни повреди се здобиле двајцата возачи, а со телесни повреди се здобила сопатничката од возилото „мерцедес“, Н.К.(45) од Република Албанија, констатирани во Медицинскиот центар Кичево“, соопшти МВР.
Извршен бил увид од Јавен обвинител и увидна екипа од ОВР Кичево.