Црна хроника
Три кражби во тетовско –гостиварскиот регион

Џепчиите продолжуваат да оперираат во тетовско-гостиварскиот регион.
Ограбени се повозрасни лица, на кои крадците им ги украле на паричниците додека купувале во Гостивар, јавува тетовската телевизија Кис.
На 76-годишен жител на Ново Село, во вторник наутро, крадци му го украле паричникот во којшто имал 1.200 денари, лична карта и чекови од пензија.
На истото место, на гостиварскиот пазар, бил ограбен 77-годишен жител на Чегране. Од џебот во пантолоните му бил украден паричник со 220 евра, возачка дозвола, лична карта, банкарска картичка.
Крадците ограбиле и куќа во село Челопек, чиј сопственик работел во стрнаство. Според изјавата на неговата 33-годишна ќерка која го пријавила случајот, кражбата се случила во периодот од 28 јуни до 3 јули, при што биле украдени метална кутија со 40-тиан парчиња златен накит.
Вредноста на украденото првично се проценува на 600.000 денари. Полицијата работи на расчистување на кражбите./крај/кис/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Претреси во село Гајре во врска со пукањето во Тетово: уапсени четворица, пронајдени предмети

Вчера во периодот од 12:50 до 15:00 часот во село Гајре, тетовско, согласно судска наредба, а во врска со вооружената престрелка што се случи на 10.08.2025 во Тетово, бил извршен претрес на повеќе локации во село Гајре, тетовско, при што биле пронајдени предмети кои се од интерес на истрагата.
При претресите биле лишени од слобода А.М.(41) и Е.М.(19), како и двајца малолетници на 15 и 17-годишна возраст, сите од село Гајре.
Се преземаат мерки и активности за целосно расчистување на случајот и за пронаоѓање на други лица кои биле инволвирани во престрелката.
Црна хроника
Неколкумина повредени во сообраќајна несреќа на патот Куманово – Свети Николе, меѓу нив и тримесечно бебе

Вчера во 11:10 часот во СВР Куманово било пријавено дека на регионалниот пат Куманово-Свети Николе се случила сообраќајна несреќа помеѓу патничко возило „фиат“ со кумановски регистарски ознаки, управувано од Н.С.(50) од Куманово и патничко возило „ауди“ со бугарски национални ознаки, управувано од М.П.(24) од Куманово.
Во несреќата со тешки телесни повреди се здобил возачот Н.С., а со телесни повреди се здобиле возачот М.П., две негови сопатнички М.П.(25), К.П.(22) и тримесечно бебе, сите од Куманово, констатирани во Општа болница Куманово.
Извршен бил увид од увидна екипа од СВР Куманово.
Црна хроника
Уапсен велешанец, при претрес пронајдена дрога

Вчера во 18:50 часот, полициски службеници од СВР Велес го лишиле од слобода 47-годишниот И.Л. од Велес.
При претрес во неговиот дом, извршен со судска наредба, полициски службеници од Отсекот за недозволена трговија со дрога при СВР Велес пронашле и одзеле бела тврда материја и две дигитални ваги.
И.Л. бил задржан во полициска станица, известен бил јавен обвинител и по документирање на настанот, против него ќе биде поднесена соодветна пријава.