Европа
Западот и Москва разменуваат обвинувања за Дебалцево
НАТО ја повика во средата Русија целосно да се повлече од истокот на Украина и да престане да им помага на рускојазичните бунтовници кои го по речиси еден месец опсада го заземаа стратешки важниот град Дебалцево од каде што масовно се предаваат и се повлекуваат украинските војници, додека Москва возврати дека Западот сака со погрешно толкување на договорот од Минск да го прекрши примирјето.
„Ја повикувам Русија да ги повлече сите свои сили од истокот на Украина, да ја прекине секоја поддршка на сепаратистите и да го почитува договорот од Минск за прекин на огнот“, порача генералниот секретар на НАТО, Јенс Столтенберг од Рига. Столтенберг на неформалната средба на европските министри за одбрана тврди дека руските сили, артилерија и воздушни сили уште се активни во Украина, пренесува Reuters .
„Одбивањето на сепаратистите (како што западот ги именува русјкојазичните бунтовници во источна Украина) одбиваат да го го почитуваат прекинот на огнот му се заканува на договорот од Минск“, кој стапи на сила од полноќ на 15-ти февруари. „Исто така, закана претставува и нивното одбивање да им овозможат пристап на набљудувачите од Организацијата за безбедност и соработка во Европа“ (ОБСЕ), рече Столтенберг.
Стратешки важниот железнички јазол во источна Украина – Дебалцево, коешто е длабоко во териториите на самопрогласените ткн „народни републики“ во Донецк и Луганск, е освоено од силите на проруските бунтовници кои најмалку една седмица го стегаа обрачот околу неколкуте илјади украински војници кои откако претходно одбиваа да се повлечат преку ткн „зелен коридор“ кон внатрешноста на Украина, откако во вторникот започнаа уличните борби во градот започнаа со повлекување и предавање.
Киев тврди дека овој град, кој е важен железнички јазол во источните региони треба да го контролира украинската војска, бидејќи во моментот на потпишувањето на договорот тој беше под контрола на неговите сили, додека бунтовниците тврдат дека Дебалцево се наоѓа длабоко во територијата којашто ја контролираат тие, која според една од одредбите на договорот од Минск ќе добие специјален статус и поголема автономија.
Дебалцево, коешто има големо регионално значење, од крајот на ланскиот јули, кога украинската армија поведе офанзива за враќање на контролата на прозападните власти во Киев врз одметнатите рускојазични источни региони, е под контрола на украинската војска. Покрај економското значење како еден од најголемите железнички јазли во Украина, Дебалцево има и воено стратешко значење, бидејќи како клинец навлегува длабоко на територијата која е под контрола на бунтовниците, и од таму може да се вршат напади врз градовите кои тие ги имаат под контрола, како Горловка, Енакиево, Шахтерск, Лисичанск и Стаханов.
Високата претставничка на Европската унија за надворешна и безбедносна политика, Федерика Могерини, изјави дека „сепаратистите јасно го кршат“ договорот од Минск, а таквиот став преку соопштенија и Берлин и Париз.
Меѓутоа, бунтовниците и во средата тврдат дека прекинот на договорот од Минск, договорен на 12-ти јануари меѓу челниците на Украина, Русија, Германија и Франција, не се однесува на овој град кој ги поврзува Донецк и Луганск.
На истиот став е и рускиот министер за надворешни работи, Сергеј Лавров. „Киев и Западот сакаат Дебалцево да го имаат како изговор да го прекршат договорот од Минск. Таквиот став го заземаа по претходни и не сакаме да се повтори“, порача Лавров од Москва, пренесува РИА Новости. Лавров ја нагласи важноста од директен дијалог меѓу Киев, Донецк и Луганск и брзо запирање на вооружениот судир во Дебалцево, се вели во соопштението на руското министерство за надворешни работи кое истакнува дека шефот на дипломатијата во средата имал телефонски разговор со американскиот државен секретар Џон Кери посветен на спроведувањето на мировниот договор со цел да се стави крај на судирите во источна Украина.
„Заземањето на Дебалцево е погубно за надежите во мир. Германската влада остро го осудува воената операција на сепаратистие во Дебалцево и тоа е големо кршење на прекинот на огнот“, изјави портпаролот на германската влада Штефан Зајберт, кого го цитира DPA. Тој најави можни нови санкции против Русија. „Новите санкции против Мосвка би можеле да бидат потребни доколку има нова ескалација“, рече Захберт, но повтори дека Германија е против испораката на оружје за Украина, на што инсистираат САД.
И портпаролот на Елисејската палата, Степан л’Фол изјави дека бунтовничкото заземање на Дебалцево претставува тешкотија во примената на договорот за прекинот на огнот“, три дена откако стапи на сила, пренесува AFP. Најави дека во среда навечер телефонски ќе разговараат францускиот претседател Франсоа Оланд, германската канцеларка Ангела Меркел, и рускиот претседател Владимир Путин и украинскиот Петро Поршенко
Порошенко претходно го потврдил повлекувањето на владините сили од Дебалцево. „Утрово вооружените сили и Нациолнаната гарда го завршија планираното и организирано повлекување од Дебалцево. Околу 80 отсто од војниците го напуштија градот. Ќе подготвиме организирана и координирана реакција“, се заканил Поршенко, пренесе украинската агенција Интерфакс. Украинскиот претседател притоа ги повика Европската унија и САД „остро да одговорат на бруталното руско кршење на примирјето од Монск“.
Бунтовниците истовремено во средата претпладне изјавија дека артилеријата со најголем калибар се повлекува од јужните периферни области на „републиката“. „Во моментов ја повлекуваме артилеријата, хаубици. Доколку разузнавањето ни потврди дека украинската страна не го повлекла оружјето, ние нашето ќе го вратиме на претходните позиции. Во моментов имаме информации за групирање на украинската воена опрема на спротивните позиции“, изјавиле за РИА Новости извори од одбраната на Донецк./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пукање кај израелската амбасада во Стокхолм, неколкумина уапсени
Шведската полиција приведе неколку лица и опколи област во Стокхолм откако патрола слушнала наводен истрел, соопшти полицијата во петокот, а израелската амбасада е во опкружената област.
„Полициска патрола во Страндваген во Стокхолм слушнала звуци и се посомневала дека има пукање“, објави полицијата на својата веб-страница.
Неколку лица се уапсени и поведена е истрага поради сомнение за тешко вооружено злосторство, додаваат тие.
„Во врска со истрагата, која е во тек, сознанијата го потврдуваат сомнежот дека имало пукање“, се наведува во објавата на полицијата на својата веб-страница.
„Ројтерс“ сѐ уште не може да добие коментар од полицијата или израелската амбасада.
Шведската новинска агенција ТТ соопшти дека полицијата одбила да коментира дали има врска меѓу инцидентот и израелската амбасада.
Европа
Орбан: Фицо е меѓу животот и смртта
Словачкиот премиер Роберт Фицо е меѓу животот и смртта два дена по атентатот што ја шокира Европа, изјави унгарскиот премиер Виктор Орбан. Тоа беше првиот голем атентат на европски политички лидер во повеќе од 20 години и наиде на меѓународна осуда.
Политичките аналитичари и пратеници велат дека тоа ја разоткри сè пожешката и поларизирана политичка клима во Словачка и во Европа.
„Се молиме за премиерот и навиваме за Словачка“, рече Орбан. „Му посакуваме брзо закрепнување и враќање на работа. Роберт Фицо е меѓу животот и смртта“.
Орбан рече дека дури и ако Фицо закрепне, тој нема да работи со месеци во критично време пред изборите за Европскиот парламент на почетокот на следниот месец.
„Ни претстојат избори што ќе одлучуваат не само за пратениците во Европскиот парламент туку заедно со изборите во САД тие може да ги одредат текот на војната и мирот во Европа“, рече Орбан.
„Во таа ситуација навистина ќе ни требаат Роберт Фицо и Словачка, која се залага за мир“, додаде тој.
Европа
(Видео) По масовните напади на Крим, сателитските снимки откриваат уништени руски авиони и оштетени згради
Сателитските снимки до кои дојде Си-ен-ен покажуваат три уништени руски авиони и оштетени згради во воздухопловната база Белбек во Севастопол во средата. Станува збор за пресретнувачи „микојан миг-31“ и борбени авиони „сухој су-27“.
Сателитските снимки од Максар покажуваат два изгорени авиона на главната писта кај Белбек, а третиот е паркиран на заштитен насип. Сателитските снимки покажуваат и уништена зграда во близина и друга која претрпела значителна штета.
On @Maxar imagery, two MiG-31s and one Su-27 have been completely destroyed, and a MiG-29 damaged, at the Russian Air Force’s Belbek Airbase in occupied Crimea. A fuel storage near the main airbase runway was also destroyed, and debris continued to burn in the aftermath. https://t.co/ZWflMYUFVw pic.twitter.com/80N56MRP2h
— Christiaan Triebert (@trbrtc) May 16, 2024
Михаил Развозаев, гувернерот на Севастопол назначен од Русија, утринава преку „Телеграм“ изјави дека Русите „успешно одбиле масовен непријателски напад врз Севастопол“. Вторпат Белбек е цел на Украинците во последните 48 часа.
Запрашан за украинскиот напад на Белбек, Дмитро Плетенчук, портпарол на украинската војска, вчера изјави: „Во моментот не можеме да објавиме никакви детали бидејќи во овој момент нема проверени информации“.