Свет
Повторно затворен поранешниот претседател на Киргистан
Претседателот на Киргистан Соронбај Жeнбеков отпушти највисоки безбедносни функционери во обид да ја консолидира својата моќ и нареди повторно затворање на поранешниот претседател Алмазбек Атамбајев, кој беше ослободен од затвор пред само неколку дена.
Во исто време, парламентот работи на обезбедување кворум за гласање на новата влада и ставање крај на политичкиот ќор-сокак во централноазиската држава, која беше опфатена со немири по спорните избори на 4 октомври.
Воените контролни пунктови беа поставени преку ноќ околу главниот град Бишкек, а оклопните возила беа забележани во градот откако Жeнбеков нареди распоредување војници за да се воспостави ред во немирите.
Женбеков ги отпушти највисоките безбедносни функционери кои ги поддржуваа неговите противници или не реагираа кога опозицијата во вторникот соопшти дека ја презема власта.
Службата за државна безбедност објави дека го привела Атамбаев под обвинение за поттикнување немири. Поранешниот претседател некогаш беше заштитник на Жeнбеков, а сега му е најголем непријател. Приврзаниците на Атамбај во вторникот го ослободија поранешниот претседател од затвор каде што издржуваше долга казна под обвинение за корупција.
Парламентот планираше да се собере во претседателската резиденција на периферијата на Бишкек, откако демонстрантите упаднаа во парламентот и ги окупираа владините згради. Седницата започна, но не е познато дали е обезбеден потребниот кворум од 61 пратеник за гласање на новата влада.
Русија, која има значајно влијание врз Киргистан, оваа недела ситуацијата ја опиша како хаотична. Повредени се над 1200 луѓе, а едно лице е убиено во уличните нереди од почетокот на протестите против спорните избори. Владејачката партија прогласи победа, а опозициските партии пак не ги признаваат изборните резултати.
Оваа поранешна советска република со 6,5 милиони жители е од стратешко значење. Во неа се наоѓа руска воена база и делува како трговски центар помеѓу Кина и Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Деветгодишното девојче застрелано во ресторан во Лондон се бори за живот
Деветгодишно девојче, кое синоќа беше застрелано додека вечераше со семејството во ресторан во источен Лондон, е во критична состојба, јавува Скај њуз. Таа е една од четирите жртви во пукањето што се случи на истокот на градот.
Девојчето се бори за живот, соопшти полицијата, а тројцата мажи на возраст од 26, 37 и 42 години се во стабилна состојба.
"New normal" scenes in "Modern London" tonight as 4 people were shot in Hackney including a child, who is a critical condition in the shooting outside a restaurant at 21:20hrs. pic.twitter.com/O3qfUHr4Fp
— Tommy Robinson 🇬🇧 (@TRobinsonNewEra) May 30, 2024
Семејствата биле излезени на вечера кога се случило пукањето, а очевидци изјавиле за Скај њуз дека првично мислеле дека тоа е огномет пред да слушнат шкрипење на мотор.
Никој не е уапсен, полициската истрага е во тек.
Свет
Американците распоредија ракети на Филипините, Кина веднаш испрати остра реакција
Кинеското Министерство за одбрана остро го осуди распоредувањето на американски ракетен систем со среден дострел на северот на Филипините за време на воените вежби во април, додавајќи дека потегот „значително го зголемил ризикот од војна во регионот“.
Портпаролката на Министерството за одбрана, Ву Чиан, рече дека Кина е многу внимателна и се противи на распоредувањето американски ракети на Филипините, први од ваков вид во индо-пацифичкиот регион.
Според неа, потезите на САД и Филипините „сериозно го загрозиле“ мирот во регионот и донеле „огромни ризици од избувнување на војна“.
„Ракетите со среден дострел се стратешко и офанзивно оружје“, рече Ву, додавајќи дека ова сценарио потсетува на политиката на Студената војна.
Кина распоредува свои напредни ракети со среден дострел како дел од проширувачкиот арсенал на конвенционални балистички ракети. САД минатиот месец потврдија дека ракетните системи Тајфун биле распоредени на Филипините за време на воената вежба „Баликатан“.
Филипинскиот полковник Мајкл Логико тогаш изјави дека ракетните системи, кои можат да испукаат ракети Томахавк и СМ-6, биле транспортирани во градот Лаоак во северната филипинска провинција Илокос Норте, но не кажа дали оружјето оттогаш било преместено. или остана на Филипините.
Од овие системи за време на заедничките воени вежби не биле истрелани проектили бидејќи целта била да се утврди можноста за транспорт на ракетни системи од 40 тони со авион.
Околу 16.000 војници од двете страни учествуваа на годишните американско-филипински воени маневри. Тие беа одржани на северните филипински острови во близина на Тајван и во водите спроти Јужното Кинеско Море, каде Кина е во територијален спор со неколку земји, вклучително и Филипините.
Свет
Отстранети од летот до Њујорк поради непријатен мирис на телото: тројца мажи ја тужеа авиокомпанијата
Тројца Афроамериканци поднесоа тужба за расна дискриминација против „Американ ерлајнс“ тврдејќи дека авиокомпанијата накратко ги отстранила од летот откога други патници се пожалиле на мирис на телото.
Мажите, кои не седеле заедно и не се познавале, велат дека сите црнци биле отстранети од летот на 5 јануари од Феникс до Њујорк.
„’Американ ерлајнс’ нè издвои затоа што сме црнци, нè посрамотија и нè понижија“, рекоа мажите во заедничката изјава, пренесува Би-би-си.
Компанијата со седиште во Тексас соопшти дека го истражува случајот бидејќи наводите „не се во согласност со нејзините вредности“.
Според федералната тужба поднесена од групата за застапување на потрошувачите „Паблик ситизен“, мажите веќе седнале на своите места и се подготвувале да заминат од Феникс кога стјуардеса им пришла на секој од нив и ги замолила да излезат од авионот.
Алвин Џексон, Емануел Џин Дозеф и Ксавиер Вајл наведуваат дека додека заминувале, сфатиле дека „сите црнци на летот биле отстранети“.
Секој од мажите долета од Лос Анџелес претходно во текот на денот без инциденти.
На излезот од авионот на тројцата мажи, заедно со уште петмина, агентот на авиокомпанијата им кажал дека биле „отстранети затоа што стјуардеса се пожалила на мирис на телото на неидентификуван патник“.
„Нема никакво објаснување, освен бојата на нашата кожа“, рекоа тројцата мажи, додавајќи: „Јасно е дека ова беше расна дискриминација“.
Вработените во „Американ ерлајнс“ се обидоа да го пререзервираат летот за мажите, но таа вечер немало други летови за Њујорк. На групата потоа ѝ беше дозволено да ги заземе своите места на првичниот лет.
„Американ ерлајнс“ соопшти: „Ние ги сфаќаме сите тврдења за дискриминација многу сериозно и сакаме нашите клиенти да имаат позитивно искуство кога ќе изберат да летаат со нас. Нашите тимови моментно го истражуваат случајот бидејќи наводите не ги одразуваат нашите основни вредности или нашата цел да се грижиме за луѓето“.
Во тужбата се додава дека пилотот, додека мажите чекале надвор од авионот, им соопштил на патниците дека доцнеле поради проблем со телесен мирис. Обвинителите велат дека тврдењето за смрдеа е лажно.
Еден од мажите изјави за Би-би-си дека отуѓувачкото искуство го потсетува на херојот за граѓански права Роза Паркс, која беше принудена да седи во задниот дел од автобусот во Алабама во 1955 година поради расна дискриминација одобрена од државата.