Црна хроника
Со реконструкција на масакрот кај Смилковци заврши истрагата за „Монструм“
Со реконструкција на петкратното убиство што се случи кај Смилковското езеро завршува истрагата за случајот „Монструм“.
Истражниот судија, обвинители и адвокат и сведоци во четврток беа на местото каде се случи масакрот за да се доразјасни злосторот и да се комплетира истрагата.Истражниот судија, Владимир Туфегџиќ изјави дека со денешната реконструкција се расчистиле многу битни прашања за овој случај.Тројца сведоци кои досега не побарале статус на заштитни, како и заштитниот сведок Е-1, кој бил маскиран, објаснувале што се случило на кобното место во април.Адвокатите имаа можност да им постават прашања на сведоците, а оваа можност ја искористил само еден од адвокатите, рече Туфегџиќ.„Адвокатите извршија увид и на транскриптите од предметот и никој немаше забелешки на законитоста и примедби за судот“ изјави истражниот судија доцна попладнево.Во текот на утрешниот ден истражниот судија ќе го предаде предметот до Јавното обвинителство.Во петок е последниот рок до кога Јавното обвинителство треба да поднесе обвинение против шестмината осомничени за масакрот, во спротивно обвинетите треба да бидат пуштени на слобода.На 12 април кај Смилковското езеро свирепо беа убиени четири млади момчиња и еден повозрасен маж. Алил Демири, Африм Исмаиловиќ и неговиот брат Агим, се товарат дека се директни извршители на петкратното убиство, а Фејзи Азири и Рами Сејди се осомничени за помагање.Тројца од осомничените се во притвор, додека Африм Исмаиловиќ и Алил Демири, се во бегство, а полицијата се сомнева дека избегале на Косово.Митко Солаков, адвокат на еден од осомничените за помагање во убиството, Рами Сејди, изјави дека присуствувал на денешната реконструкција на убиството, извршил увид во списите на предметот и дека е задоволен од досегашниот тек./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.