Во крвава пресметка меѓу две семејства во Кондово во болница во потешка состојба пренесени се две лица повредени од удари со различни предмети, соопшти полицијата.

Имено, во средата попладне, околу 17.20 часот, на ул.„1“ во село Кондово, скопско , дошло до расправија поради поранешни меѓусебни недоразбирања, која преминала во тепачка помеѓу И.Ф.(71) од Кондово и неговиот роднина и соселанец Ш.Ф.(42).

Во тепачката се приклучиле уште по неколку лица од двете страни, при што дошло до престрелка со огнено оружје, но нема повредени лица од огнено оружје.

Во Ургентниот центар во Скопје пренесени се И.Ф.(71) кој се здобил со повреда на главата и И. Ф. (34) од с.Кондово , а се работи за повреди задобиени од удари со предмети.

Од страна на СВР Скопје приведени се сите учесници во настанот, инаку сите блиски роднини, освен Ш.Ф. за кого во тек се мерки за негово пронаоѓање.

На лице место обезбедени се траги од крв, чаури, една автоматска пушка, рамки од автоматска пушка, автомобил , веспа „Априлија“, секира и други предмети кои се употребени во настанот.

Од страна на СВР Скопје во тек се мерки за целосно расчистување и документирање на случајот по што против учесниците ќе бидат поднесени соодветни поднесоци./крај/со/бб