Брановите на несигурност, во денешно време, рефлектирани во експанзионистичката политика на Русија на исток и подемот на Исламската Држава (ИД) во Сирија и Ирак – што резултираше со проток на мигранти на јужните граници на НАТО, предизвикаа дестабилизирачки ефекти кои се чувствуваат истовремено во источните и јужните крила на Алијансата, се вели во анализата на Исмет Рамадани, Илија Џугуманов и Марија Јанкулоска, објавена во најновата публикација на АТА – Atlantic Treaty Association, посветена на последниот самит на НАТО што се одржа во Варшава, Полска.  
 

Брановите на несигурност, во денешно време, рефлектирани во експанзионистичката политика на Русија на исток и подемот на Исламската Држава (ИД) во Сирија и Ирак – што резултираше со проток на мигранти на јужните граници на НАТО, предизвикаа дестабилизирачки ефекти кои се чувствуваат истовремено во источните и јужните крила на Алијансата, се вели во анализата на Исмет Рамадани, Илија Џугуманов и Марија Јанкулоска, објавена во најновата публикација на АТА – Atlantic Treaty Association, посветена на последниот самит на НАТО што се одржа во Варшава, Полска.  

Во објавената анализа со наслов Еволуцијата на НАТО во рамки на „Лакот на кризата“, тројцата  членови на претседателството на Евроатланскиот Совет на Македонија, се разгледуваат разликите и поделбите меѓу земјите-членки на НАТО во поглед на заканите и приоритетите на делување на Алијансата во обезбедување и јакнење на мирот и безбедноста во светот.

„Од една страна, земјите од Источното крило, како што се Полска и Балтичките Земји, главно се концентрирани на заканите кои произлегуваат од Русија. Од друга страна земјите од Јужното крило на НАТО ги перцепираат заканите кои произлегуваат од Блискиот Исток и Северна Африка – особено оние кои извираат од проширувањето на ИД, приливот на мигранти и ширењето на екстремизмот – како најиминентни закани по нивната безбедност. Во такви околности, НАТО се наоѓа во расчекор со барањата и очекувањата на нејзините земји членки и потребата сеопфатно да ги адресира двојните предизвици со кои што во моментов се соочува“, заклучуваат Рамадани, Џугуманов и Јанколоска, поентирајќи дека „Со оглед на тоа дека безбедноста не може да се постигне ексклузивно и самостојно, кохезијата и единството во рамките на Алијансата треба да се зачуваат“.

Инаку, темите обработени во спомената публикација посветена на приоритетите на НАТО, доминираа и во дискусиите на Форумот на експерти којшто, од 7-ми до 9-ти јули, се одржа во рамки на Варшавскиот самит на НАТО, а на кој учествуваше и членот на Претседателство на Евроатланскиот Совет на Македонија, Илија Џугуманов.

За глобалните безбедносни и политички предизвици, како и можните стратегии за одговор на истите од страна на НАТО, во публикацијата меѓудругите се објавени и обраќања на генералниот секретар на Алијансата –  Јенс Столтенберг, како и на домаќинот на самиот во Варшава, претседателот на Полска, Анджеј Дуда./крај/мф/бс