Црна хроника
Одложена презентацијата на вештачењето пред осомничените од „Пајажина“
Презентацијата на вештачењето на документите пред осомничените од случајот „Пајажина“ попладнево е одложено. Потребно било повеќе време за да се докомплетира документацијата
„Денеска го одложивме вештачењето. Мораше да се одложи од причина што имаше некои формални недостатоци во самата процедура, во самата постапка за закажување на вештачење. Три обемни наредби кои неопходно бараа претходна консултација и со обвинетите, од кои поголем дел се во притвор и со одбраната и со вештите лица. И вештите лица денеска се согласија дека е потребно повеќе време за да ја докомплетираат целосно документацијата“ рече адвокатот на обвинетите од случајот „Пајажина“, Мирослав Вуиќ.Утрово сите притворени од „Пајажина“ беа донесени пред истражен судија и оние кои се наоѓаат во Шутка и оние кои беа пуштени во домашен притвор. Вештаци од Бирото за вештачење денеска требаше да им ги презентираат доказите на сите осомничени.Адвокатот на притворените не очекува ниту со вештачењето да се утврди вистинската сума за која што се товарат обвинетите.„Јас не очекувам ни ова вештачење да ја утврди вистинската сума, затоа што во јавноста и овде во предметот се тресат суми од ракав. Досега навистина немаме ниеден показател врз основ на што и како се утврдени тие суми и мислам дека вештите лица ќе имаат навистина тешка задача да го соберат тоа и евентуално да дојдат до некој износ“ вели Вуиќ.Одлука за одмрзнувањето на сметките од фирмите на „Перо Наков“ се уште нема. Одбраната бара овој случај да не биде политизиран.„Не би сакал да го коментирам тоа, меѓутоа цело време провејува политичка доза во целиот овој предмет. Мене лично ми смета да биде политизиран целиот овој предмет и не би сакал да биде, меѓутоа очигледно е дека се користи за такви цели“ изјави Вуиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.