Црна хроника
Тежок вандалски чин во црквата во Долна Белица
Непознати вандали се изживувале врз црквата Св. Архангел Михаил во струшкото село Долна Белица, при што целосно го демолирале црковниот олтар, иконостасот, помошните простории и покривотна црквата
Според полицијата, чинот се случил во периодот од 5 до 25 април, годинава кога вандалите во тврд предмет насилно ја отвориле металната влезна врата на црквата, при што урнале и дел од бетонскиот ѕид.Потоа влегле во помошната просторија на црквата, каде што целосно го оштетиле инвентарот. Со истиот предмет ја урнале и вратата што води до главната црковна просторија по што целосно го демолирале иконостасот, црковниот олтар и ѕидовите.
Потоа се качиле на покривот и оштетиле дел од покривната конструкција, а на земја заедно со лимени делови од покривот го фрлиле и големиот метален крст кој бил поставен на покривот.Вкупната штета на верскиот објект се уште не е проценета, но се претпоставува дека ќе биде многу голема.
Екипи на СВР Охрид извршија увид на лице место и се превземаат сите мерки за да се фатат непознатите сторители, на овој вандалски чин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.