Свет
Алиев не исклучува културна автономија за Нагорно-Карабах
![](https://makfax.com.mk/wp-content/uploads/2020/10/19-aliev.jpg)
Азербејџанскиот претседател, Илхам Алиев, не ја исклучува можноста за давање културна автономија на Нагорно-Карабах.
„Постојат многу видови самоопределување, постојат разни видови заедници“, рече Алиев додавајќи дека постои културна автономија, што може да се види во примерот на развиените европски земји, каде што луѓето имаат одредени права во рамките на нивните општини во рамките на нивните заедници.
„Како и на секое место во Азербејџан, и Ерменците што живеат во нашата земја исто така може да имаат такви контакти“, рече азербејџанскиот претседател во интервју за јапонската медиумска група „Никеи“, што беше прикажано денес на азербејџанскиот државен канал „Аз ТВ“.
Алиев додаде дека Баку никогаш нема да дозволи создавање друга ерменска држава на територијата на Азербејџан.
Тој исто така рече дека Азербејџан никогаш нема да се согласи да одржи референдум за самоопределување на Нагорно-Карабах.
„Нема да има референдум во Нагорно-Карабах. Никогаш нема да се согласиме на тоа. Ние не се согласивме за време на преговорите и сега кога ги вративме повеќето територии, тоа не доаѓа предвид“, рече Алиев.
Тој посочи дека правото на самоопределување е важен фактор на меѓународното право, но дека не треба да го нарушува територијалниот интегритет на Азербејџан.
„Ерменците веќе постигнаа самоопределување. Тие имаат независна ерменска држава“, истакна Алијев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.