Спорт
Де Хеа најплатен голман во Премиер лигата, Ромеро заработува повеќе од Едерсон
Давид Де Хеа има најголема плата од сите голмани во Премиер лигата, покажува истражувањето на „Спотрак“. Според ова истражување првиот голман на Манчестер сити, Едерсон, неделно заработува помалку од третиот голман на Манчестер Јунајтед, Серхио Ромеро. Неверојатен е податокот дека Манчестер Јунајтед, на неделно ниво, за платите на тројцата голмани издвојува 600.000 евра.
Шпанскиот репрезентативец, Де хеа, во Манчестер Јунајтед има неделна плата од 413.000 евра. Неговата плата е за речиси 250.000 евра поголема од вториот на оваа листа, Кепа Аризабалага од Челси.
Голманот за кого Челси платија 80.000.000 евра, неделно заработува 165.000 евра. Трет на листата, на најплатени голмани во Премиер лигата е капитенот на Лестер, Каспер Шмајхел (143.000 евра неделно).
Следуваат Џордан Пикфорд од Евертон, Бернд Лено од Арсенал, Дин Хендерсон од Манчестер Јунајтед, Иго Љорис од Тотенхем и Руи Патрисои од Вулверхемптон. Овие голмани имаат неделни плати од 110.000 евра.
Според многумина најдобриот голман во Премиер лигата, Алисон Бекер од Ливерпул е деветти според платата од 99.000 евра неделно.
Неговиот колега и сонародник, Едерсон Мораеш од Манчестер сити на оваа листат се наоѓа на 12 место. Неделната плата на Едерсон изнесува 71.000 евра, што е за 6.000 евра помалку од она што го заработува третиот голман на Манчестер Јунајтед, Серхио Ромеро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.