Црна хроника
Запленет течен кокаин во Македонија
Македонската полиција заплени течен кокаин. Кокаинот не бил во обемна количина, но во ваквата форма за првпат се запленува кај нас
Пратката била од Венецуела и била транспортирана преку Лондон и Белград.Случајот е реализиран во соработка со полицијата на Велика Британија, а приведен е купувачот на кокаинот. Според информацициите, притворениот е гостиварец кој бил уапсен додека ја подигнувал пратката во пошта. Наводно цената на ова количество од течен кокаин на црниот пазар може да достигне цена до 150 илјади евра.Министерството за внатрешни работи најави обелоденување на податоците во текот на денот. Засега нема имформации на кој начин е спакуван течниот кокаин. Имајќи предвид дека на меѓуанродните аеродроми е зголемена контролата на поштенските пратки, особено кога станува збор за прашкести и течни материи се претпоставува дека со течниот кокаин биле натопени одредени предмети кои требало да ги подигне обвиентиот.Во март 2006 г. граничните полицајци на скопскиот аеродром во Петровец уапсија перуански државјанин, кој се обиде во Македонија внесе 750 милилитри течен кокаин. Перуанецот Сотело Лупа дрогата ја носеше во личниот багаж а таа беше откриена во шише црвено вино скриено во торбите. Се претпоставува дека течниот кокаин во земјава требало да биде преработен во финален производ. Истрагата тогаш покажа дека течниот кокаин требало да биде преработен во финален производ во Македонија. Лупа од свој сонародник добил 2,25 литри течен кокаин и за илјада долари требало да ги пренесе за лице во Скопје со псевдоним Канди. Лупа го преточил кокаинот во три шишиња како црвено вино, ставајќи во секое шише по 750 милилитри од кокаинот. Перианецот од Лима преку Хјустон во САД допатувал до Цирих а од таму во Скопје каде во неговиот личен багаж е откриен кокаинот, додека другите две шишиња останале на циришкиот аеродром.Инаку според полициски извори и пред десетина години, личност позната во балканското криминално милје која се уште се наоѓа на меѓународна потерница на Интерпол која уживаше и политичка заштита, преку скопскиот аеродром примала кокаин во течна форма. Според нашите соговорници, пратката којашто се повторувала неколкупати во текот на една година, се состоела од неколку шишиња скапо вино испратена од Колумбија. Во мај годинава и црногорската полиција уапси три свои државјани за примање течен кокаин од Перу наменет за европскиот пазар а во криумчарскиот синџир биле вклучени и три лица од Косово. Тогаш кокаинот бил на облека која била натопена со него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсени возачи од Битола, од Делчевско и од Кочани, возеле пијани
Вчера во 21:13 часот на ул.„Солунска“ во Битола, полициски службеници од СВР Битола го лишија од слобода Н.Л.(42) од Битола. При контрола во сообраќајот, полициските службеници сопреле патничко возило „фолксваген пасат” со битолски регистарски ознаки, управуван од Н.Л. при што е констатирано дека возилото го управувал со 2,99 промили алкохол во организмот.
На 28.10.2025 во 00:55 часот во ОВР Делчево е пријавено дека во село Габрово, делчевско, патничко возило „опел“ со бугарски национални ознаки, управувано од О.З.(55) од с.Габрово, удрило во ограда не негов сосед. При преземање мерки во врска со незгодата констатирано е дека тој е под дејство на алкохол, односно дека го управувал возилото 1,82 промили алкохол во крвта, по што е лишен од слобода.
На 27.10.2025 во Кочани, полициски службеници од ОВР КОчани го лишија од слобода Ј.И.(57) од с.Бања, кочанско. Претходно, тој со патничко возило „југо“ со кочански регистарски ознаки, кое го управувал на ул.„Роза Петрова“ во Кочани, удрил во неколку паркирани возила. При преземање мерки во врска со незгодата, констатирано е дека возилото го управувал под дејство на алкохол, односно измерени му се 2,01 промили алкохол во крвта.
Тројцата се задржани во полициска станица и по целосно документирање на случаите, против нив ќе бидат поднесени пријави по член 297-а од Кривичниот законик – „безобѕирно управвуање со моторно возило“.
Топ
Во Кавадарци со тесла го убил својот помлад брат на неговиот роденден поради расправија за имот
Обвинителството ги откри мотивите за грозоморното убиство што се случи летово во Кавадарци. Утврдено е дека 43-годишникот го убил својот помлад брат на неговиот роденден поради расправија за имот.
Основното јавно обвинителство Кавадарци поднесе обвинение против едно лице за кривично дело – Убиство.
„Обвинетиот 43-годишник, на 27 јули годинава од користољубие го лишил од живот својот помлад брат. На роденденот на жртвата, двајцата браќа започнале да се расправаат, бидејќи обвинетиот верувал дека неговиот брат сака да го преземе целиот имот. Поттикнат од чувства на гнев и омраза, тој со тапиот метален дел од тесла го удрил брат му по главата, а кога оштетениот паднал, уште два пати го удрил со теслата, нанесувајќи му моментални смртоносни повреди“, покажа истрагата.
Потоа обвинетиот си заминал, а следниот ден се вратил во домот на жртвата и телото го префрлил во бањата. Во следните неколку дена исто така се враќал за да го прикрие делото, ја бришел крвта од подот и од предметите, а телото го пренел во шупата, го затрупал во ров и врз него ставил шперплоча и други предмети.
Во периодот од 30 јули до 5 август кога било откриено телото, обвинетиот во повеќе наврати повлекувал пари со банкарската картичка на жртвата.
Јавниот обвинител, со поднесеното обвинение, побара продолжување на претходно определената мерка притвор за обвинетиот.
Црна хроника
Ги претепале играчите од гостинскиот клуб: уапсени две лица од Кумановско
Вчера во 18:30 часот, полициски службеници од СВР Куманово ги лишија од слобода О.Д.(32) и Е.А.(18), двајцата од Куманово, играчи на фудбалскиот клуб „Беса“ од с.Слупчане, општина Липково.
Тие на фудбалски натпревар во с.Слупчане физички нападнале играчи од гостинскиот клуб ФК „Аеродром“ од Скопје.
СВР Куманово презема мерки за откривање на сите инволвирани и за целосно расчистување на случајот, по што против лицата ќе бидат поднесени соодветни пријави.

