Спорт
Бејл донесе победа за Тотенхем и покрај новата ВАР-фарса
Тотенхем ги победи Брајтон со 2:1 во последниот денешен меч од Премиер лигата, но резултатот сигурно ќе биде во сенка поради тоа што се случуваше со ВАР системот и судијата Греем Скот при постигнувањето на голот на гостите.
Тимот на Жозе Мурињо поведе во 13-тата минута со гол од пенал на Хери Кејн, и имаше доминација во играта, пред во 56. минута, Тарик Лемпти да го постигне израмнувачкиот гол за Брајтон. Проблемот беше во тоа што имаше очигледен фаул пред да се постигне голот, а судијата Скот иако реши да го консултира ВАР системот, реши да остане на својата првична одлука и да го признае голот.
⚽️ GOAL!!!
Tottenham 1 – [1] Brighton – Tariq Lamptey 56′ #TOTBHAPlease retweet ?pic.twitter.com/7PXFjfMsQY
— noobfcb (@noobfcb) November 1, 2020
За среќа на Спарси, тука беше Герет Бејл, кој го постигна својот прв гол по враќањето во северен Лондон, односно прв гол по седум години и 166 дена за својот сакан тим во 73. минута по одличното нафрлање на Серхио Регуилон, вториот фудбалер кој летово пристигна од Реал Мадрид.
Со победата, Тотенхем се искачија на второто место на табелата со 14 поени, два помалку од лидерот Ливерпул, додека Брајтон остануваат 16-ти со седум освоени поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.