Британските медиуми, во изминатите денови, пишуваат дека Луис Хамилтон ќе биде одликуван од кралицата. Енди Мареј, смета дека Хамилтон заслужува да стане витез, но не е сигурен дали спортистите треба да ја добиваат ова награда.

Хамилтон, зад себе, има уште една брилијантна сезона во Формула 1, ја освои седмата титула и се израмни на вечната листа со Михаел Шумахер, а стана и возачот со најмногу победи во овој спорт.

„Не сум сигурен дека ние спортистите треба да ја добиваме оваа награда за она што го работиме“, рекол Мареј, кој од кралицата ја доби титулата витес во 2017 година.

„Сепак доколку погледнеме што се направил Луис како спортист, тој заслужува да ја добие наградата. Тој е еден од најуспешните спортисти во историјата на оваа земја. Исклучителен возач. Во нормалниот живот организира разни акции. Секако дека заслужи да стане витез“, рекол Мареј.

Доколку пишувањата на медиумите се покажат како точни, тогаш Хамилтон во новата година ќе влезе со титулата Сер.

Вејн Руни ја презеде функцијата менаџер на Дерби каунти. По тој повод тој дал интервју за „Ју-ти-ди подкаст“. Во интервјуто говорел за периодт во Манчестер јунајтед. Руни е најдобриот стрелец во историјата на „црвените ѓаволи“.

„Мислам дека сите знаат дека Челси и Мурињо сакаа да ме донесат на „Стенфорд Бриџ“, додека бев играч на Јунајтед. Трансферот таму никогаш не беше опција. Заинтересирани беа и Реал Мадрид, Манчестер сити и Барселона кои ми беа привлечни“, рекол Руни и дополнил.

„Бев подготвен да одам во Шпанија. Немаше да се жалам доколку завршев во Барселона, но поблиску бев до Реал. Се сеќавам дека седев и размислував како би било да се игра за Барселона во која се Меси, Чеви, Иниеста и Бускетс…Мислам дека би се вклопил одлично, бидејќи тогаш Меси не беше деветка, играше многу широко. Ќе беше идеално“.

Златан Ибрахимовќ има 39 години, но тој е клучниот човек за добрите резултати што ги постигнува Милан оваа сезона.

Ибрахимовиќ, пред една година се врати на „Сан Сиро“, откако две години го носеше дресот на Лос Анџелес Галакси.

Во кариерата овој напаѓач бил играч на Ајакс, Јувентус, Интер, Барселона, Милан, ПСЖ, Манчестер јунајтед. Неговиот менаџер, Мино Рајола, смета дека единствената грешка што ја направил неговиот клиент во кариерата е што прифатил да оди преку океанот, во САД.

„Замина таму бидејќи сакаше со семејството да живее во Лос Анџелес. Спортскиот момент беше катастрофа. Златан секогаш сака да победува, во фудбалот и во видео-игрите. Неговите соиграчи во тој клуб го немаа неговиот менталитет, не беа гладни да победуваат, како што беше тој“, рекол Рајола.

Контроверзниот менаџер дополнил дека каде и да игра Ибрахимовиќ поставува високи стандарди, а ко пример за тоа го посочил Милан. Славниот клуб по осум кола е лидер на табелата во Серија А.