Свет
(Видео) Трамп прогласи победа и ги обвини противниците за измама
Во Америка има возбудлива трка за најмоќниот човек на светот. Доналд Трамп и Џо Бајден се многу блиску според резултатите, а процентот на освоени гласови се менува од минута во минута. Се бројат стотици милиони гласови. Според податоците од медиумите, Бајден во моментов има 220 изборни гласови, а Трамп 213.
Медиумите јавуваат дека Трамп победил во Тексас и добил 38 изборни гласови. За да се победи на изборите во САД, потребно е да се собере 270 изборни гласови.
Доналд Трамп и` се обрати на јавноста, заблагодарувајќи им на милиони луѓе за поддршката.
„Подготвени сме за голема прослава. Ние победивме насекаде. Подготвени сме да излеземе и да прославиме нешто толку големо, убаво и успешно … ова е рекорд“, рече Трамп, додавајќи дека победил во Тексас и Ајова. „Победивме во Пенсилванија“, рече Трамп.
„Сите оние држави што ги добивме вечерва… и одеднаш – што се случува? Знаете што се случува? Тие беа свесни дека не можат да ги добијат изборите и сега ни велат да одиме на суд. Јас го кажувам тоа од самиот почеток. Тие ќе испратат десетици милиони гласови и ако не успеат да ги добијат, ќе одат на суд. Флорида беше победа, неверојатна победа, па Тексас, Охајо. И таму убедливо победивме“, рече Трамп.
Тој на „Твитер“ ги обвини своите противници дека се обиделе да ги „украдат изборите“, иако не понуди докази за тоа.
„Тоа е голема победа, но тие се обидуваат да ни ги украдат изборите. Никогаш нема да им дозволиме да го сторат тоа. Не можете да гласате откако ќе бидат затворени избирачките места”, напиша Трамп на „Твитер“.
Во меѓувреме, се огласи и кандидатот за претседател на Демократската партија, Џо Бајден, кој сè уште е оптимист за исходот на претседателските избори во САД, иако резултатите во моментов не се во негова корист. Бајден накратко им се обрати на своите приврзаници пред неговата куќа во Вилмингтон и тврдеше дека е на пат кон победата.
„Чувајте ја вербата, ќе го добиеме ова“, им извика тој.
Бајден има најголеми надежи дека во три земји т.н. „синиот ѕид“, Висконсин, Мичиген и Пенсилванија, кој Трамп го освои во 2016 година, ќе дојде до пресврт.
Во Висконсин, Бајден има 47,4 проценти од гласовите на преброени 84 проценти од гласачките ливчиња, во Мичиген е на 44,6 (преброени 64 проценти), а во Пенсилванија на 42,2 (64 проценти). Постои тренд кај сите да се намали разликата со пристигнувањето на нови гласови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силно невреме во Грција – тешко погоден туристичкиот остров Крф
Силно невреме со обилни врнежи предизвика големи поплави и штети на северозападот од Грција. Поплавени се подруми и приземја, а патиштата се блокирани поради свлечишта. Во регионот на Јањина наврнале околу 280 милиметри дожд за неколку часа.
Најтешко е погоден островот Крф. Селото Карусаѓес е целосно отсечено, а полициската станица е блокирана од кал. Многу патишта се уништени, а училиштата ќе бидат затворени во понеделник.
Κέρκυρα: Εικόνες καταστροφής από την κακοκαιρία – Κλιμάκιο της ΕΜΑΚ στο νησί – Καστοριά: Υπερχείλισε ο Αλιάκμονας στο Νεστόριο #OPENnewe pic.twitter.com/dOrDKC1Ax4
— OPEN News (@OpenNewsGr) November 21, 2025
Очекувањето е врнежите да продолжат, но со послаб интензитет. Метеоролозите предупредуваат дека штетите се поголеми поради пожарот на северен Крф во 2023 година, кога изгоре голем дел од вегетацијата.
Свет
Соработничката на Трамп поднесе оставка по судирот со него; тој порача: Одлична вест за земјата
Долгогодишната сојузничка на американскиот претседател Доналд Трамп, Марџори Тејлор Грин, денеска соопшти дека ќе поднесе оставка од местото во Претставничкиот дом, по неодамнешниот судир со Трамп, кој нејзиниот потег го оцени како „одлична вест за Америка“.
Грин во објава на социјалните мрежи наведе дека „лојалноста треба да биде двонасочна улица“, а дека Конгресот е „во голема мера маргинализиран“ под администрацијата на Трамп.
Таа долго време беше лојална соработничка на Доналд Трамп и движењето МАГА, но последните недели зазеде ставови што се во спротивност со позицијата на Белата куќа, поради што американскиот претседател ѝ ја ускратил понатамошната поддршка. Како причина за раздор со Трамп, Грин го навела нејзиното залагање за објавување на владините досиеја за осудениот сексуален сторител Џефри Епштајн.
Покрај тоа, Марџори Тејлор Грин годинава стана првата републиканска пратеничка која го нарече нападот на Израел врз Појасот Газа геноцид. Таа минатата недела изјави дека се соочува со закани поради критиките што Трамп ги упати кон неа на социјалните мрежи.
Оставката на Марџори Тејлор Грин ќе ја намали републиканската мнозинска предност во Претставничкиот дом на 218 спрема 213 пратеници демократи.
Свет
(Видео) Се’ уште е во болница Мис Јамајка која падна од сцената на изборот за Мис Универзум
Мис Јамајка, Габриел Хенри, е хоспитализирана трет ден откако падна од сцената за време на прелиминарната рунда на изборот за Мис Универзум.
Имено, таа одеше во високи потпетици, пропушти чекор и падна од сцената. После тоа, ја изнесоа на носилка.
Како што потврдија организаторите на изборот за Мис Универзум, Хенри не се чувствува добро и сè уште е на лекување.
@amusestan A shocking moment at Miss Universe 2025: Gabrielle Henry, Miss Universe Jamaica 2025, fell from the stage and had to be taken to the hospital on a stretcher. 💔🇯🇲 Wishing her strength, safety, and a speedy recovery. Miss Universe Jamaica 2025 – Gabrielle Henry @missuniverse #MissUniverse #MissUniverse2025 #MissUniverseJamaica #MissUniverseJamaica2025 #GabrielleHenry #jamaica #preliminary #eveninggown #stage #thailand #nawat #missgrandinternational #scandal #drama #amusestan ♬ original sound – amusestan
Поради нејзината состојба, лекарите изјавија дека таа ќе мора да остане на интензивна нега најмалку седум дена додека лекарите продолжуваат да ја следат нејзината состојба.
Мис Универзум ги замоли сите да продолжат да се молат за Габриел во овој тежок период за неа.
„Ја молиме јавноста да избегнува споделување негативни коментари, шпекулации или дезинформации што би можеле да го доведат семејството во понатамошна неволја. Нашиот примарен фокус останува на нејзиното закрепнување и благосостојбата на нејзиното семејство“, рекоа тие.
(Видео) ВМРО-ДПМНЕ ја напаѓа Кацарска поради предметот за линеарното зголемување на пензиите, од Уставен велат дека прозивките се преседан
На прес-конференција, Валентин Манасиевски, член на Централниот комитет на ВМРО-ДПМНЕ, обвини дека уставната судијка Добрила Кацарска бара укинување на зголемувањето...
Поплавени 50 домови во Ресен, под вода земјоделски површини и во Демир Хисар, во Прилеп паднал таван од куќа
Според информациите на Центарот за управување со кризи до 8 часот, обилните врнежи предизвикаа локални излевања, поплави и прекини во...
Опасност од зарази по поплавите – надлежните со упатства за граѓаните и одгледувачите на животни
Поради покачените водостои на реките по неколкудневните врнежи од дожд и опасноста од нивно излевање, но и заради излевањето на...
Сиљановска-Давкова со честитка: Албанскиот јазик е важен дел од мултиетничкиот мозаик на Македонија
Претседателката Гордана Сиљановска-Давкова упати честитка по повод 22 Ноември – Денот на албанската азбука, истакнувајќи ја важноста на албанскиот јазик...
ВМРО-ДПМНЕ: Правосудството со 2 отсто доверба бара двојно повисоки плати
Во соопштение до јавноста, владејачката партија ВМРО-ДПМНЕ оцени дека наместо да работи на ефикасност и подобрување на довербата кај граѓаните,...
Венс: Мировниот план мора да го зачува украинскиот суверенитет
Американскиот потпретседател Џеј Ди Венс порача дека мировниот план за Украина мора да го зачува украинскиот суверенитет. Претседателот Доналд Трамп...
Трамп: Украина треба да го прифати мировниот план за да заврши војната
Американскиот претседател Доналд Трамп уште еднаш го коментираше мировниот договор со САД, за кој рече дека Украина треба да го...
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд. Наместа врнежите ќе бидат пообилни (над 30 l/m²...
(Видео) Во Ресенско поплавени над 50 куќи, магацински простори и земјоделско земјиште, состојбата се следи во сите засегнати региони, соопшти ЦУК
Поради обилните врнежи, на подрачјето на Општина Ресен дошло до излевање на Болнска и Источка река во селата Царев Двор...
Путин: Планот на Трамп може да биде основа за решение на конфликтот во Украина
Москва го има текстот на планот на американскиот претседател Доналд Трамп за решавање на спорот, кој би можел да биде...
Српски државјанин осомничен за тешката сообраќајна несреќа со смртни последици кај Валандово
Основното јавно обвинителство Гевгелија поведе постапка против државјанин на Република Србија осомничен за – Тешки дела против безбедноста на луѓето...
Трамп: Четврток е соодветниот рок за Украина да го прифати мировниот договор
Американскиот претседател Доналд Трамп денес изјави дека верува оти четврток, 27 ноември, е соодветниот рок за Украина да го прифати...
Припаѓате во ЕУ со полнo правo: Кос до земјите од Западен Балкан
Европа не може да биде безбедна без Западен Балкан, изјави европската комесарка за проширување Марта Кос, наведувајќи дека државите од...
Мицкоски: Суштината е во тоа да нѐ оценуваат за реформите, а не според билатералните прашања и спорови
Суштината е во тоа да нѐ оценуваат за реформите, а не според билатералните прашања и спорови, изјави премиерот Христијан Мицкоски,...
Нема повеќе вработувања со телефонски повик „сакам моето дете да биде ваков или онаков доктор“, Алиу ги преброи лекарите во државата
Тргнувајќи од ставот дека здравството не може да се реформира на слепо, министерот за здравство Азир Алиу денес презентира резултати...
Жена повредена на концерт во КИЦ кога од таван паднала вентилациска решетка
Жена на возраст од 46 години била повредена за време на концерт во Културно-информативниот центар во Скопје, кога врз неа...
(Видео) Манасиевски: Со барањето за зголемување на платите еден судија би примал 160.000 денари, а претседател на суд 360.000
Правосудството наместо да работи за граѓаните и во нивен интерес да ја носи правдата без тој целиот процес да трае...
Европа за планот на Трамп за Украина: „Тоа е списокот на желби на Путин“
Европските претставници го отфрлија најновиот предлог на американскиот претседател Доналд Трамп за мировен договор, што е во корист на Москва,...
Трамп силно го притиска Зеленски: бара предавање територии и двојно помала војска
Соединетите Американски Држави вршат силен притисок врз Украина што е можно побргу да го прифати мировниот план што администрацијата на...
ЦУК: Поради обилните врнежи, зголемени водостоите на реките, на некои места има излевања, поплавени се куќи и штали, има и одрони на патиштата
Поради обилните врнежи од дожд во последното деноноќие на повеќе локации во државата се регистрирани зголемување на водостоите на реките...
