Спорт
Солскјер: Јас сум човекот за успешен Манчестер јунајтед
Оле Гунар Солскјер е сигурен дека е вистинската личност да го врати Манчестер јунајтед на врвот на англискиот и европскиот фудбал и покрај разочарувачкиот почеток на сезоната и мизерните резултати во последните недели.
По двата пораза во низа против Арсенал и Башакшехир, во кој тимот покажа слаба игра, следува гостувањето кај расположениот Евертон на „Гудисон парк“ како 15-ти во Премиер лигата со две победи во шест меча и шпекулации дека Маурисио Почетино е подготвен да го замени. И покрај ова, се верува дека Солскјер (засега) ја има целосната поддршка на управата на Јунајтед.
„Ако јас не верувам во моите вредности, квалитетот на мојот тим и на моите фудбалери, кој ќе го направи тоа? Не гледам само на еден или два резултата и другото паѓа како кула од карти. Да, не беше убаво што не дадовме голови против Арсенал и Челси, но само пред некое време, според медиумите, бевме многу силни против Лајпциг и ПСЖ. Клубот е позитивен и ми покажа карактер, доверба и лидерство. Денеска е сончево во Манчестер и не верувам дека ветерот ќе го смени правецот. Притисокот и очекувањата секогаш се тука. Во Манчестер јунајтед станав маж и научив да се справувам и со добрите и со лошите времиња“, вели Солскјер пред мечот со Евертон.
Тој исто така застана во одбрана на своите фудбалери, кои беа обвинети за недостиг на мотивација на теренот, и тоа од поранешните соиграчи на Солскјер, како Рој Кин, Гери Невил и Рајан Гигс.
„Има побарувања да си фудбалер, тренер или менаџер на Манчестер јунајтед. Ние сме најдобриот и најголем клуб на светот, така што критиките секогаш се тука и не треба да ја губиш главата. Овие фудбалери, како тие од мојата ера, ја покажуваат желбата. Работат на тренинг, сакаат да победуваат и се лутат кога губат. Да не беше така, тогаш работите немаше да функционираат“, вели Солскјер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алдегер се здобил со фрактура на бутната коска
Тимот на Гресини Рејсинг потврди дека младиот шпански возач Фермин Алдегер доживеал фрактура на бутната коска на левата нога за време на тренингот во Валенсија, само неколку недели пред почетокот на предсезонските тестирања.
20-годишниот Алдегер го имаше своето деби во Мото ГП шампионатот минатата година со тимот на Гресини, возејќи Дукати со спецификација од 2024 година, и ја круниса сезоната со титулата најдобар почетник, со историска прва победа на Големата награда на Индонезија. Оваа година требаше да се натпреварува со Дукати со спецификација од 2025 година, но неговите подготовки сериозно се нарушени од поредата.
Како што објави тимот, Алдегер ја претрпел фрактурата за време на тренингот во четврток во Валенсија, а операцијата е закажана за денес во Барселона.
Деталите за инцидентот не се откриени.
Повредата доаѓа во незгодно време, точно еден месец пред првиот предсезонски тест за сезоната 2026, кој е закажан за 3-5 февруари во Малезија. Официјалната презентација на тимот е закажана за 31 јануари во Куала Лумпур, додека тестирањето ќе продолжи на 21 и 22 февруари во Бурирам.
Сезоната започнува една недела подоцна со Големата награда на Тајланд.
Foto/ freerangestock
Спорт
Јанис нема намера да си оди од Милвоки
Ѕвездата на Милвоки Бакс, Јанис Адетокумбо, одлучи да стави крај на сите гласини за неговата иднина и јасно стави до знаење дека нема намера да побара трејд – ниту оваа ниту која било друга сезона.
Грчкиот ас истакна дека таков потег едноставно не е во неговата природа и дека никогаш нема да биде тој што ќе побара да го напушти клубот.
„Никогаш нема да има момент кога ќе излезам и ќе кажам: „Сакам трејд“. Тоа едноставно не е во мојата природа“, изјави Адетокумбо за „Атлетик“.
Иако Јанис долго време јавно ја нагласува својата лојалност кон Бакс, тоа не ги спречи разните приказни и шпекулации за неговата наводна желба да го напушти Милвоки и да се приклучи на тим што се бори за титулата. Бакс моментално се во одлична форма и имаат резултат од 16-21 по поразот од Голден Стејт, но 31-годишната суперѕвезда не ги прифаќа гласините дека не е среќен во Висконсин.
„Можам само да контролирам само она што јас го зборувам. Никогаш не сум покажал дека не сум посветен на овој тим. Ако имало момент на теренот кога сте помислиле: „Јанис повеќе не сака да биде тука“, сакам да ми го покажете тоа. Никогаш не сум дал таква изјава. Не разбирам зошто луѓето не веруваат во она што го кажувам“, рече двократниот МВП на НБА.
И ако тоа сè уште не е доволно јасно за некого, Антетокумпо дополнително нагласи дека нема намера да оди никаде и дека верува дека Милвоки има квалитет да ја сврти сезоната.
Спорт
Едвардс во друштво на Леброн и Дурант
Ентони Едвардс стана третиот најмлад кошаркар кој достигнал 10.000 поени.
Тој стигна до оваа бројка на само 24 години и 156 дена, на вечната листа пред него се само Леброн Џејмс и Кевин Дурант.
На оваа листа се и Коби Брајант, Лука Дончиќ, Трејси Мекгрејди и Кармело Ентони, сите ја надминаа бројката од 10.000 поени пред да наполнат 25 години.
Едвардс има просек од 29,2 поени, пет скока и 3,8 асистенции по натпревар оваа сезона.
Во победата против Кливленд, тој учествуваше со 25 поени, седум скока и девет асистенции.

